Flash News

Përplasen 4 makina në Fier, dy persona të lënduar

Mbante armë në banesë! Arrestohet një person në Maliq

BIRN: Kuvendi rinis punën duke i hequr fjalën opozitës

Kontrolle në burgun e Durrësit, kapen 10 celularë, i përdornin të dënuarit

Parlamenti i ri/ 82 deputetët që do të mungojnë nga shtatori

Bota

"Kanë gjobitur dhe intimiduar amerikanët", Rubio paralajmëron bllokime masive vizash për zyrtarët e huaj

Politiko 28 Maj 2025, 21:12

"Kanë gjobitur dhe intimiduar amerikanët", Rubio

Kreu i Departamentit Amerikan të Shtetit, Marco Rubio ka njoftuar kufizimin e vizave për zyrtarët e huaj të cilët kanë gjobitur, intimiduar apo akuzuar shtetas amerikanë për ushtrimin e të drejtës së tyre për fjalën e lirë.

Rubio shkroi në rrjetet sociale se politika e re do t’i prekë ata kudo qofshin, edhe në Evropë.

“Për një kohë shumë të gjatë, amerikanët janë gjobitur, ngacmuar dhe madje akuzuar nga autoritetet e huaja për ushtrimin e të drejtave të tyre të lirisë së fjalës. 

Sot, po njoftoj një politikë të re të kufizimit të vizave që do të zbatohet për zyrtarët e huaj dhe personat që janë bashkëpunëtorë në censurimin e amerikanëve. Liria e fjalës është thelbësore për mënyrën amerikane të jetesës - një e drejtë e lindur mbi të cilën qeveritë e huaja nuk kanë autoritet.

Të huajt që punojnë për të minuar të drejtat e amerikanëve nuk duhet të gëzojnë privilegjin e udhëtimit në vendin tonë. Qoftë në Amerikën Latine, Evropë apo gjetkë, ditët e trajtimit pasiv për ata që punojnë për të minuar të drejtat e amerikanëve kanë mbaruar”, njofton Rubio.

Shtetet e Bashkuara e kanë dënuar prej kohësh censurën dhe represionin nga Partia Komuniste Kineze, Rusia dhe regjimet iraniane dhe kubaneze, por administrata Trump kohët e fundit ka shtuar kritikat kundër aleatëve në Evropë.

Të fundit