Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Bota

Masakroi familjen dhe planifikoi sulm gjakatar/ 19-vjeçari britanik: Doja të isha qitësi më famëkeq i shekullit

Politiko 19 Mars 2025, 16:02

Masakroi familjen dhe planifikoi sulm gjakatar/ 19-vjeçari britanik: Doja

Një 19-vjeçar është dënuar me burgim të përjetshëm në Luton të Anglisë për vrasjen brutale të familjarëve të tij dhe planifikimin e një sulmi masiv. Nicholas Prosper u shpall fajtor për vrasjen e nënës së tij, 48-vjeçares Juliana Falcon, vëllait të tij, Kyle Prosper, 16 vjeç dhe motrës së tij, Giselle Prosper, vetëm 13 vjeç, raportojnë mediat britanike.

Gjyqtari përshkroi krimin si të "pashpirt dhe brutal", duke theksuar se këto fjalë janë të pamjaftueshme për të përshkruar tmerrin e momenteve të fundit të viktimave. Trupat e tyre u gjetën në banesën e familjes në Luton në shtator të vitit të kaluar, pas një denoncimi për zhdukjen e tyre.

Sipas hetimeve, Prosper kreu vrasjet pasi nëna e tij zbuloi një armë gjahu që ai kishte blerë në mënyrë të paligjshme, duke përdorur një certifikatë false. Pas përballjes së saj me të, 19-vjeçari vendosi të kryente aktin makabër.

Në vijim, hetuesit zbuluan se Prosper kishte planifikuar të kryente një sulm masiv në shkollën fillore katolike St Joseph, ku vëllezërit e tij kishin qenë nxënës. Gjatë gjykimit, ai pranoi se qëllimi i tij ishte të bëhej "qitësi më famëkeq i shekullit të 21-të".

Policia e arrestoi atë pak pas ngjarjes, pasi e vuri re në rrugë pranë banesës. Gjatë kontrollit, ata zbuluan armën e mbushur të fshehur në shkurre së bashku me më shumë se 30 gëzhoja, çka tregonte qartë përgatitjet për një masakër të dytë.

Gjykata vendosi dënimin e përjetshëm për Prosper, duke theksuar se rrezikshmëria e tij për shoqërinë është tepër e lartë. Ky rast ka tronditur mbarë komunitetin, ndërsa autoritetet po hetojnë më tej për të zbuluar nëse i riu kishte kontakte të tjera të mundshme për t'u përfshirë në ngjarje të ngjashme në të ardhmen.

 

Të fundit