Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Mbërrijnë emigrantët e parë me gomone në Britani, BBC: Në 2022-shin u regjistruan 15 mijë azilkërkues shqiptarë

Politiko 3 Janar 2023, 16:54

Mbërrijnë emigrantët e parë me gomone në Britani, BBC:

Mbërrijnë rreth 44 emigrantët e parë për këtë vit të ri në bregun e Mbretërisë së Bashkuar me gomone.

Emigrantët u kapën nga Forcat Kufitare të Mbretërisë së Bashkuar dhe u dërguan në Dover, raporton BBC.

Vitin e kaluar, një rekord prej 45,756 njerëzve ia dolën të bënin këtë udhëtim - numri më i lartë që nga fillimi i regjistrimeve në 2018.

Kjo shënon një rritje prej rreth 60% krahasuar me një vit më parë.

Qeveria ka njoftuar një sërë masash në 12 muajt e fundit për të trajtuar çështjen e emigrantëve që bëjnë udhëtimin e rrezikshëm përgjatë Kanalit Anglez.

Në dhjetor, katër persona vdiqën kur një anije emigrantësh u gjend në vështirësi në kushtet e ngrirjes.

Policia e Kentit thotë se po punon për të përcaktuar identitetin e tyre. Deri në gjashtë persona të tjerë dyshohet se janë të zhdukur.

Dhe për shkak se në 12 muajt deri në shtator 2022 më shumë se 15,000 azilkërkues ishin shqiptarë, qeveria ka njoftuar gjithashtu një marrëveshje të re me Shqipërinë për të vendosur më shumë staf të Forcave Kufitare të Mbretërisë së Bashkuar në kryeqytetin e saj Tiranë dhe për të ndjekur shpejt kthimin e azilkërkuesve drejt Shqipërisë.

Një masë tjetër është një marrëveshje e arritur në nëntor që do të bëjë që Mbretëria e Bashkuar t'i paguajë Francës 8 milion £ më shumë në vit, sipas një marrëveshjeje të rishikuar, në përpjekje për të ndaluar njerëzit që kalojnë Kanalin me gomone.

 

Të fundit