Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Mblidhet NATO, zyrtarët bjellorus nuk do të lejohen të hyjnë në seli

Politiko 1 Qershor 2021, 12:11

Mblidhet NATO, zyrtarët bjellorus nuk do të lejohen të hyjnë

Ministrat e jashtëm dhe të mbrojtjes së NATO-s do të zhvillojnë një takim virtual sot, një ditë pasi aleanca ushtarake perëndimore kufizoi hyrjen në selinë e saj për një grup zyrtarësh bjellorus.

Ky vendim vjen pasi Minsku detyroi uljen e avionit Ryanair që të arrestonte një gazetar disident, veprim, i cili shkaktoi zemërim në perëndim.

Zyrtarët bjellorus do të jenë të ndaluar të kenë akses në disa zona të selisë së NATO-s në Bruksel. Sidoqoftë, ata do të jenë ende në gjendje të hyjnë në kompleks si vizitorë.

Megjithëse nuk është një anëtare e NATO-s, Bjellorusia ka pasur një mision diplomatik në Bruksel që nga viti 1998. Nën një partneritet bashkëpunimi për trajtimin e çështjeve të tilla si kontrolli i armëve dhe edukimi ushtarak, stafi bjellorus ka marrë pjesë në takimet dhe seminaret e NATO-s.

Shtetet e Bashkuara dhe vendet evropiane dënuan një "sulm të hapur" ndaj sigurisë së aviacionit civil dhe ligjit ndërkombëtar. Gazetari dhe kritiku i hapur i regjimit të liderit Alexander Lukashenko u arrestua pasi aeroplani u ul në Minsk së bashku me të dashurën e tij, Sofia Sapega.

Asnjë provë nuk u dha për të mbështetur pretendimet e autoriteteve se ndërhyrja ishte urdhëruar për frikë nga një bombë, ndaj udhëheqësit ndërkombëtarë e akuzuan Bjellorusinë se mashtroi për të arrestuar disidentin.

Burimi: Euronews

Të fundit