Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Mbytet varka me emigrantë në Kanalin Anglez, shkon në 6 numri i viktimave

Politiko 12 Gusht 2023, 14:33

Mbytet varka me emigrantë në Kanalin Anglez, shkon në 6 numri i

Gjashtë persona kanë vdekur pasi një varkë me emigrantë u mbyt në Kanalin Anglez.

Një zëdhënëse nga autoriteti bregdetar francez Premar tha se pesë deri në 10 të tjerë janë të zhdukur, raporton AFP.

Rojet bregdetare britanike dhe franceze kanë shpëtuar rreth 50 persona nga anija, thanë autoritetet.

Një numër njerëzish u panë duke u nxjerrë nga një varkë shpëtimi me barela në Dover, por shkalla e lëndimeve dhe numri i saktë mbetet i paqartë.

Në orët e para të së shtunës, një anije që kalonte fillimisht ngriti alarmin se një varkë e mbingarkuar ishte në vështirësi në brigjet e Sangatte, pranë Calais.

Kur anija franceze e shpëtimit mbërriti, ata gjetën shumë njerëz në det. Anija e shpëtimit Dover, e cila tashmë ishte në Kanal dhe merrej me një varkë tjetër që transportonte emigrantë, iu bashkua operacionit të shpëtimit.

Një vullnetar, i cili ishte në një nga varkat e shpëtimit, i tha agjencisë së lajmeve Reuters se emigrantët po përdornin këpucë për të nxjerrë ujin nga anija që po fundosej.

 Një prokuror francez i tha agjencisë së lajmeve AFP se i pari nga viktimat ishte një afgan i moshës 25-30 vjeç.

 

Të fundit