Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Ministri i Jashtëm: Finlanda e përgatitur për çdo kërcënim nga Rusia nëse anëtarësohet në NATO

Politiko 14 Prill 2022, 19:38

Ministri i Jashtëm: Finlanda e përgatitur për çdo

Një ditë pasi kryeministri i Finlandës konfirmoi se një vendim për anëtarësimin në NATO do të merret "brenda javësh", ministri i Jashtëm i tha CNN se vendi ishte "i përgatitur për lloje të ndryshme kërcënimesh".

“Finlanda në fakt ka një ushtri mjaft të fortë. Ne kemi më shumë se 280,000 rezervistë, kemi një ushtri rekrutimi, sapo kemi investuar në avionët luftarakë F-35, e kështu me radhë. Pra, ne jemi kujdesur mjaft mirë për forcat tona të mbrojtjes kombëtare. Por sigurisht ne jetojmë në një botë, siç e shohim nga sulmi i Rusisë kundër Ukrainës, që shfaqen edhe kërcënime të reja sigurie. … Nëpërmjet bashkëpunimit më të ngushtë me NATO-n, ne mund të adresojmë të gjitha ato kërcënime të ndryshme,” tha Ministri i Jashtëm finlandez Pekka Haavisto në një intervistë të enjten me Becky Anderson të CNN.

Rusia ka bërë prej kohësh deklarata kërcënuese për anëtarësimin e Suedisë dhe Finlandës në NATO, duke thënë se kjo do të kishte "pasoja serioze ushtarake dhe politike". Në fillim të luftës, Putini e bëri të qartë se një nga qëllimet e tij ishte të kthente dislokimet e NATO-s në Evropën Lindore atje ku kishin qenë në vitet 1990. Tani, Finlanda dhe Suedia – kombe që nuk janë zyrtarisht të anëtarësuar – po afrohen gjithnjë e më shumë drejt anëtarësimit në NATO, aleancën ushtarake të udhëhequr nga SHBA.

I pyetur nga CNN pse Finlanda ka ndryshuar pozicionin e saj në lidhje me neutralitetin ushtarak, Haavisto tha se natyra e sulmit të Rusisë ndaj Ukrainës ka ndryshuar.

Sipas kryeministrit, Finlanda shpreson të përfundojë diskutimet në lidhje me aplikimin e mundshëm të vendit për anëtarësim në NATO "deri në mes të verës". Haavisto tha se pushtimi rus i Ukrainës ndryshoi diskursin publik brenda vendit të tij.

  

Të fundit