Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Ministri i Jashtëm i Ukrainës thotë se krimet e Rusisë në Bucha janë vetëm "maja e ajsbergut"

Politiko 4 Prill 2022, 20:04

Ministri i Jashtëm i Ukrainës thotë se krimet e Rusisë

Ministri i Jashtëm ukrainas, Dmytro Kuleba tha se "tmerret që kemi parë në Bucha janë vetëm maja e ajsbergut të të gjitha krimeve që janë kryer nga ushtria ruse" në Ukrainë deri më tani.

Në një konferncë të përbashkët shtypi në Varshavë bashkë me sekretaren e jashtme britannike, Liz Truss,, Kuleba tha se "tmerret e Bucha, Mariupol dhe vende të tjera kërkojnë sanksione serioze të G7-ës dhe BE-së."

Duke folur së bashku me homologen e tij britanike Liz Truss, Kuleba bëri thirrje për vendosjen e sanksioneve "më të rënda" kundër Rusisë, duke kërkuar gjithashtu përjashtimin e Rusisë nga Këshilli i OKB-së për të Drejtat e Njeriut.

“Perëndimi vazhdon të ushqejë makinën ruse të luftës me pagesa për lëndë djegëse fosile, me tregtinë që po zhvillohet ende midis Rusisë dhe vendeve perëndimore, me transaksione financiare të kryera përmes bankave ruse që nuk janë shkëputur ende nga SWIFT,” tha Kuleba.

Duke iu drejtuar ministrave të jashtëm që do të marrin pjesë në takimet e NATO-s, BE-së dhe G7 këtë javë, Kuleba tha: "Nëse keni dyshime, ngurrim ose argumente në lidhje me nevojën për të vazhduar të bëni biznes me Rusinë, shkoni fillimisht në Bucha dhe më pas flisni me mua."

 Ai shtoi se Ukraina e ka “fituar betejën për Kievin”, por tani po përgatitet për një “ofensivë të re në shkallë të gjerë nga Rusia në Ukrainën lindore”.

“Mund t'ju them pa ekzagjerim, me dhimbje të madhe, se situata në Mariupol është shumë më e keqe në krahasim me atë që kemi parë në Bucha dhe qytete, qyteza dhe fshatra të tjera pranë Kievit,” vazhdoi ministri i Jashtëm.

Të fundit