Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Ministri ukrainas: Aleatët e NATO-s na konsiderojnë "de-fakto" një vend anëtar

Politiko 17 Qershor 2022, 14:25

Ministri ukrainas: Aleatët e NATO-s na konsiderojnë

Ministri i Mbrojtjes i Ukrainës tha sot se aleatët e NATO-s i thanë atij në një samit në Bruksel se vendi i tij konsiderohej një anëtar "de facto" i aleancës.

“Është e rëndësishme të theksohet se kjo ishte hera e parë që u mbajt një takim i tillë me katër shtete jo të Aleancës të pranishme: Ukraina, Gjeorgjia, Suedia dhe Finlanda.

Duke pasur parasysh rastin, pata mundësinë të diskutoj për “NATO de-facto” me partnerët tanë”, shtoi ai, “Më vjen mirë që kolegët e mi kanë konfirmuar se Ukraina de-fakto është tashmë një anëtare e kësaj familjeje””, tha Oleksiy Reznikov.

Ky i fundit nuk dha detaje se kush mund ta ketë karakterizuar Ukrainën në atë mënyrë. Aspirata për anëtarësim në NATO është e sanksionuar në kushtetutën e Ukrainës, por vendi nuk është anëtar i aleancës.

Të enjten, Sekretari i Përgjithshëm i NATO-s Jens Stoltenberg u pyet në një konferencë shtypi nëse nivelet e mëdha të mbështetjes ushtarake për Ukrainën nënkuptonin se tani ishte "koha e duhur" për të diskutuar anëtarësimin e ardhshëm të vendit në aleancën ushtarake.

“Fokusi ynë tani është në mbështetjen për Ukrainën për të ofruar mbështetje ushtarake, mbështetje vdekjeprurëse, jovdekjeprurëse, nga aleatët dhe nga NATO, si dhe në ndërtimin e kapaciteteve dhe kjo ndihmoi për të modernizuar më shumë për një afat më të gjatë, institucionet e mbrojtjes dhe sigurisë së Ukrainë”, tha Stoltenberg.

Burimi: CNN

Të fundit