Flash News

Helmimi masiv në kopshtin e Gramshit, Prokuroria e Elbasanit nis hetimet

Tentuan të vrisnin një 58-vjeçar me sëpatë në Fier, arrestohet babai, në kërkim djali

Shpërthim me lëndë plasëse në një lokal në Berat

Përfshihet nga flakët makina në ecje në aksin Fier-Lushnje

Shuhet në moshën 86-vjeçare regjisori i njohur Piro Milkani

Bota

Sulmet në rajonin separatist, Modlavia akuzon Rusinë për përshkallëzim të tensioneve

Politiko 27 Prill 2022, 11:27

Sulmet në rajonin separatist, Modlavia akuzon Rusinë për

Presidentja e Moldavisë Maia Sandu paralajmëroi të martën se një varg sulmesh në rajonin separatist të Transdniestrisë, i cili mbështetet nga Rusia, janë një përpjekje për të përshkallëzuar tensionet. Ajo fajësoi për këtë ato që i quajti fraksione pro luftës, brenda këtij territori.

Duke folur në një konferencë shtypi, pas një takimi urgjent të Këshillit të Sigurimit të Moldavisë, Presidentja Sandu tha se nuk kishte në plan të zhvillonte bisedime me Kremlinin lidhur me incidentet e 24 orëve të fundit, që përfshinin një sulm ndaj ministrisë së Brendshme të Transdniestrias dhe shkatërrimin e dy antenave, që mundësonin transmetimin e radios ruse.

Kryesisht pas sulmit të Rusisë ndaj Ukrainës, autoritetet moldave janë treguar të ndjeshëm ndaj çdo shenje që sinjalizon një rritje të tensioneve në Transdniestria, një territor i mbështetur nga Moska, që ka shpallur shkëputjen nga Moldavia, por që nuk është njohur. Transdniestria ndodhet në kufirin jugperëndimor të Ukrainës.

Që nga rënia e Bashkimit Sovjetik, Rusia ka vendosur trupa me bazë të përhershme në Transdnestria. Kievi druhet se rajoni mund të përdoret si një pikënisje për sulme të reja në Ukrainë.

Agjencia ruse e lajmeve TASS bëri të ditur se Këshilli i Sigurimit i Transdniestrias, njoftoi për një sulm terrorist në një njësi ushtarake pranë qytetit të Tiraspolit. Por nuk dha detaje të mëtejshme.

Zëdhënësi i Kremlinit Dmitry Peskov u tha gazetarëve se lajmi ishte një shkak për shqetësim serioz dhe se Moska po i ndiqte nga afër zhvillimet./ VOA

Të fundit