Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Moska akuzon Obamën për prishjen e marrëdhënieve diplomatike SHBA-Rusi, Lavrov: Gjithçka nisi në 2016

Politiko 18 Janar 2023, 11:29

Moska akuzon Obamën për prishjen e marrëdhënieve diplomatike

Ministri i jashtëm rus Sergei Lavrov ka thënë se ish-presidenti i SHBA-së, Barack Obama është fajtori për raportet e acaruara Rusi-Amerikë. Ai tha se mosmarrëveshjet nisën, pasi Obama dëboi 35 diplomatë rusë pas raporteve për ndërhyrjen ruse në zgjedhjet amerikane të vitit 2016.

Lavrov theksoi se SHBA i kishte ndërprerë bisedimet me Rusinë për dialogun strategjik dhe se marrëdhëniet midis Uashingtonit dhe Moskës nuk do të jenë të njëjta si më parë.

Zyrtarët nga të dy palët ishin caktuar të takoheshin në Kajro nëntorin e kaluar për të diskutuar rifillimin e inspektimeve sipas traktatit të ri të reduktimit të armëve bërthamore START, përpara se bisedimet të anuloheshin në minutën e fundit.

Moska akuzoi Uashingtonin se refuzoi të diskutonte një axhendë më të gjerë të "stabilitetit strategjik" midis dy fuqive më të mëdha bërthamore në botë.

Lavrov tha gjithashtu se SHBA-të nuk mund të qëndrojnë të vetme kundër Rusisë dhe Kinës së bashku dhe kjo ishte arsyeja pse duhej të "mobilizonte plotësisht Perëndimin".

Gjatë konferencës, zyrtari i Kremlinit tha gjithashtu se Moska do të detyrohet të marrë masa të papërcaktuara në kufirin e saj nëse Finlanda i bashkohet aleancës ushtarake të NATO-s.

Finlanda dhe Suedia kanë aplikuar për t'u bashkuar me bllokun dhe aktualisht janë në negociata të avancuara për pranimin e tyre.

Burimi: Sky News

Të fundit