Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

NATO dhe BE hedhin poshtë pretendimin për 'sferën e ndikimit' të Rusisë në Ukrainë

Politiko 7 Janar 2022, 22:55

NATO dhe BE hedhin poshtë pretendimin për 'sferën e

Kryediplomati i NATO-s dhe i Evropës hodhi poshtë pretendimet e Rusisë se Ukraina është brenda "sferës së saj të ndikimit". 

Ministrat e Jashtëm nga 30 vendet anëtare të NATO-s janë shqetësuar për ngritjen ushtarake ruse përgjatë kufirit me Ukrainën me inteligjencën amerikane, e cila ka paralajmëruar se Moska mund të bëhet gati për të pushtuar.

Kremlini ka mohuar çdo plan të tillë. Ai ka kërkuar nga  NATO që Kievi të mos bëhet kurrë një shtet anëtar dhe se do të ndalojë zgjerimin e tij drejt lindje. Por NATO tha se ata "refuzojnë çdo ide për sferat e ndikimit në Evropë" . 

Ndërkohë, shefi i çështjeve të jashtme të BE-së, Josep Borrell, deklaroi të mërkurën se "përcaktimi i sferave të ndikimit të dy fuqive të mëdha Rusisë dhe Shteteve të Bashkuara nuk i përket vitit 2022".

"Ne nuk jemi më në kohën e Jaltës," theksoi ai, duke iu referuar konferencës së pas Luftës së Dytë Botërore midis SHBA, Rusisë dhe Britanisë së Madhe që ndau Gjermaninë dhe çoi në krijimin e regjimeve komuniste në vendet e Evropës Lindore, raporton Euronews.

“Siguria e Ukrainës është e rëndësishme për Europën si pjesë e saj”, tha Borrell, ndërsa bëri thirrje që Kievi të përfshihet në bisedimet e ardhshme midis Uashingtonit dhe Moskës.

Presidenti i SHBA Joe Biden ka paralajmëruar presidentin rus Vladimir Putin se Uashingtoni mund të vendosë sanksione të reja kundër Moskës nëse ajo ndërmerr veprime të mëtejshme ushtarake kundër Ukrainës.

Nga ana tjetër, Putini ka theksuar se një veprim i tillë mund të çojë në një prishje të plotë të lidhjeve midis dy vendeve. Kujtojmë që Putin dhe Biden kanë biseduar dy herë gjatë muajit të kaluar.

 

Të fundit