Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

NATO nis sot stërvitjet bërthamore, mundohet të “qetësojë” Rusinë

Politiko 17 Tetor 2022, 12:43

NATO nis sot stërvitjet bërthamore, mundohet të

NATO thotë se do të fillojë stërvitjet vjetore bërthamore ditën e sotme, por shton se ato nuk janë të lidhura me luftën në Ukrainë.

"Steadfast Noon" parashikon që 60 avionë do të marrin pjesë në fluturime stërvitore mbi Belgjikë, Detin e Veriut dhe Britaninë për të praktikuar përdorimin e bombave bërthamore amerikane me bazë në Evropë.

Stërvitjet po zhvillohen mes tensioneve të rritura me Rusinë për pushtimin e saj të fqinjit Ukrainë. Manovrat ka të ngjarë të përkojnë me stërvitjet vjetore bërthamore të Moskës, të quajtura "Grom", të cilat zakonisht kryhen në fund të tetorit dhe në të cilat Rusia teston bombarduesit, nëndetëset dhe raketat e saj me aftësi bërthamore.

NATO tha se stërvitjet perëndimore nuk u nxitën nga tensionet e fundit me Rusinë.

"Stërvitja, e cila zgjat deri më 30 tetor, është një aktivitet stërvitor rutinë, i përsëritur dhe nuk është i lidhur me ndonjë ngjarje aktuale botërore," deklaroi aleanca.

Belgjika po pret stërvitjet që do të përfshijnë 14 vende dhe deri në 60 avionë, duke përfshirë avionët luftarakë më të avancuar në treg dhe bombarduesit amerikanë B-52 me rreze të gjatë që do të fluturojnë nga baza ajrore Minot në Dakotën e Veriut, thuhet në deklaratë.

Të martën, shefi i NATO-s Jens Stoltenberg bëri të qartë se aleanca do të vazhdojë me stërvitjet e saj pavarësisht situatës së tensionuar ndërkombëtare.

Anulimi i stërvitjeve për shkak të luftës në Ukrainë do të dërgonte një "sinjal shumë të gabuar", u tha ai gazetarëve, duke argumentuar se forca ushtarake e NATO-s ishte mënyra më e mirë për të parandaluar çdo përshkallëzim të mëtejshëm të tensioneve.

Burimi: Euronews

Të fundit