Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Bota

Ndaloi promovimin e homoseksualizmit, kryeministri hollandez: Hungaria nuk ka më vend në BE

Politiko 25 Qershor 2021, 09:53
Ndaloi promovimin e homoseksualizmit, kryeministri hollandez: Hungaria nuk ka
Mark Rutte

Hungaria "nuk ka vend" në Bashkimin Evropian, pasi kaloi një projekt-ligj të ri që ndalon përmbajtjen e LGBT në shkolla, tha kryeministri hollandez Mark Rutte.

"Për mua, Hungaria nuk ka më vend në BE," u tha Rutte gazetarëve përpara se të merrte pjesë në një samit të BE në Bruksel së bashku me Orban.

Ndërsa mbërriti për samitin, Orban mbrojti me forcë legjislacionin e ri. "Nuk ka të bëjë me homoseksualët, por me fëmijët dhe prindërit. Unë jam një luftëtar për të drejtat. Unë jam një luftëtar i lirisë në regjimin komunist," tha Orban.

Në fillim të këtij muaji parlamenti i Hungarisë miratoi legjislacionin, i cili ndalon të gjitha materialet arsimore dhe programet për fëmijët që të promovojnë homoseksualizmin, ndryshimin e gjinisë dhe konceptin e seksualitetit që devijon nga ai i caktuar një personi në lindje.

Ky vendim shkaktoi kritika të forta nga grupet e të drejtave të njeriut dhe partitë e opozitës. Në ditën që kaloi në Parlament, turmat u mblodhën në Budapest jashtë parlamentit për të protestuar kundër projekt-ligjit.

Burimi: CNN

Të fundit