Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Ndalon përmbajtjen e LGBT në shkolla, PE dënon Hungarinë

Politiko 9 Korrik 2021, 18:34

Të enjten Parlamenti Evropian dënoi me "termat më të fortë të mundshëm" një ligj të ri në Hungari të cilin shumë kritikë thonë se është homofobik dhe i kërkoi Komisionit Evropian të vendosë masa ndëshkimore të tilla si shkurtimet e buxhetit.

"Komisioni të fillojë një procedurë të përshpejtuar të shkeljes dhe të përdorë të gjitha mjetet në Gjykatën e Drejtësisë, të tilla si masa të përkohshme dhe gjobitje për morespektim nëse është e nevojshme", ka bërë me dije Parlamenti Evropian në një deklaratë.

Ata gjithashtu u bëjnë thirrje vendeve anëtare të sjellin çështjen në CJEU (Gjykata e Drejtësisë e Bashkimit Evropian) nëse Komisioni nuk vepron dhe të nisë një kërkesë ndër-shtetërore në Gjykatën Evropiane të të Drejtave të Njeriut, shkruan CNN.

Anëtarët e Parlamentit Evropian u shprehën se Rregullorja e Kushtëzimit të Sundimit të Ligjit duhet të "ndërmerret menjëherë për të mbrojtur buxhetin e BE", çka do të thotë se nëse ka shkelje të ligjeve të BE, buxheti i Hungarisë duhet të preket.

Rezoluta e cila kaloi me 58 abstenime, vjen pasi Parlamenti Hungarez votoi më 15 qershor në favor të një ligji që ndalon përmbajtjen LGBTIQ të mësohet nëpër shkolla, "nën maskën e luftimit të pedofilisë". Ligji hyri në fuqi të enjten.

Ai ndalon të gjitha materialet dhe programet arsimore për fëmijët të cilët konsiderohen se promovojnë homoseksualitetin, ndryshimin e gjinisë dhe konceptin e seksualitetit që deviona nga ai i caktuar që nga lindja.

Ligji është dënuar nga shumë udhëheqës të BE-së si homofobik. Parlamenti Evropian thotë se ligji i ngjan Ligjit Rus të Propagandës LGBT 2013 dhe i kërkoi Komisionit Evropian "të hetojë financimin e fushatave anti-LGBTIQ në Evropë".

"Parlamenti thekson se ky nuk është një incident i izoluar por përkundrazi përbën një shembull tjetër të qëllimshëm dhe të paramenduar të çmontimit gradual të të drejtave themelore në Hungari, ku fushatat e fobisë dhe dezinformimit të sponsorizuar nga shteti LGBTIQ janë bërë mjete për censurimin politik", thuhet në deklaratën e PE.

Sipas deklaratës së PE, këto shkelje të të drejtave të njeriut janë pjesë e një axhende më të gjerë politike për të prishur demokracinë dhe shtetin e së drejtës, duke përfshirë këtu edhe lirinë e medias dhe duhet të konsiderohet si një shkelje sistematike e vlerave të BE.

Legjislacioni është nga një varg politikash përçarëse të mbështetura nga udhëheqësi hungarez Victor Orban, një nacionalist i vijës së ashpër që ka sulmuar më parë kundër njerëzve LGBTQ dhe imigrantëve. Orban mbrojti me forcë legjislacionin e ri më 24 qershor. "Nuk ka të bëjë me homoseksualët, por me fëmijët dhe prindërit," tha ai.