Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Ndërprerja e përkohshme në aeroportet britanike shkakton kaos

Politiko 30 Korrik 2025, 20:22

Ndërprerja e përkohshme në aeroportet britanike shkakton kaos

Një defekt teknik ka çuar në pezullimin e përkohshëm të të gjitha fluturimeve dalëse këtë pasdite nga aeroportet kryesore të Mbretërisë së Bashkuar, përfshirë Londrën, Edinburgun dhe Birmingamin. Ndërkohë, fluturimet hyrëse kanë vijuar normalisht, pa u prekur nga situata.
Rreth orës 17:00 me orën lokale, autoritetet njoftuan rifillimin gradual të nisjeve, pas ndërhyrjes teknike që stabilizoi pjesërisht sistemin.

Sipas deklaratës zyrtare të NATS autoriteti britanik i kontrollit të trafikut ajror kufizimet në hapësirën ajrore të Londrës u vendosën për arsye sigurie deri në rivendosjen e plotë të funksionalitetit.
Pas orës 18:30, NATS konfirmoi se problemi ishte zgjidhur, por paralajmëroi se pasagjerët mund të përballen me vonesa dhe ndryshime në oraret e fluturimeve gjatë mbrëmjes.
“Rekomandojmë pasagjerëve të verifikojnë udhëtimin e tyre me linjat ajrore përpara nisjes. Kërkojmë ndjesë për çdo shqetësim të krijuar,” tha një zëdhënës i aeroportit.
Autoritetet vijojnë të mbikëqyrin situatën, ndërsa trafiku pritet të normalizohet progresivisht në orët në vijim.

Të fundit