Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Ndryshe nga shtetet që dërguan armë, Gjermania do të ndërtojë një spital për ushtarët ukrainas

Politiko 22 Janar 2022, 15:30

Ndryshe nga shtetet që dërguan armë, Gjermania do të

Gjermania do të ndërtojë një spital të lëvizshëm në terren në Ukrainë, raportojnë mediat e huaja. Ky vendim është marrë në mes të krizës së sigurisë midis Perëndimit dhe Rusisë, tha dje ministrja e Mbrojtjes i vendit, duke përjashtuar ndihmën ushtarake për momentin.

Christine Lambrecht tha në një intervistë se spitali do të dorëzohet në shkurt, me trajnime për stafin dhe me një kosto për Gjermaninë prej 5.3 milionë euro.

"Ne kemi siguruar tashmë respiratorë," tha ministri, duke shtuar se Gjermania po trajtonte tashmë në spitalet gjermane ushtarët ukrainas të plagosur rëndë në konfliktin në Ukrainën lindore.

"Pra, ne po qëndrojmë përkrah Kievit. Tani duhet të bëjmë atë që është në fuqinë tonë për të zbutur krizën. Dorëzimi i armëve nuk do të kontribuonte aktualisht në arritjen e një qëllimi të tillë”, shtoi ajo.

Refuzimi i Gjermanisë për të dërguar armë në Ukrainë është në kontrast me qëndrimet e Britanisë së Madhe, Polonisë dhe shteteve baltike. Ministrat e mbrojtjes të Estonisë, Letonisë dhe Lituanisë lëshuan një deklaratë duke thënë se ata morën miratimin e SHBA për të dërguar raketa të mbrojtjes ajrore Stinger dhe raketa antitank Javelin për të forcuar mbrojtjen e Kievit.

Rusia po kërkon garanci sigurie nga SHBA dhe NATO, duke përfshirë një ndalim të përhershëm për anëtarësimin e Ukrainës në aleancën ushtarake perëndimore. Ajo mohon planifikimin për të pushtuar Ukrainën, pavarësisht se ka vendosur dhjetëra mijëra trupa ruse përgjatë kufirit.

Lambrecht e përshkroi si "vijë të kuqe" për NATO-n të drejtën e çdo shteti sovran për të vendosur nëse do të anëtarësohej, duke thënë se Rusia nuk kishte veto. Por Perëndimi ishte gati për dialog me Moskën dhe për të marrë parasysh interesat ruse, tha ajo.

 

 

Të fundit