Flash News
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Lejuan 37 ndërtime të paligjshme, dënohen dy kryeinspektorë dhe inspektorë të IMT në Bashkinë e Lushnjes
Në mesin e tensioneve, Izraeli sulmon Gazën, vritet komandanti palestinez
Ushtria izraelite ka sulmuar objektiva në Rripin e Gazës në përgjigje të kërcënimeve nga një grup militant palestinez atje.
Të paktën tetë palestinezë, duke përfshirë një fëmijë dhe një komandant palestinez të Xhihadit Islamik janë vrarë, raporton BBC. Kjo vjen pas disa ditësh tensionesh pasi Izraeli arrestoi një anëtar të lartë të xhihadit në Bregun Perëndimor të pushtuar.
Xhihadi me bazë në Gaza kishte kërcënuar se do të kundërpërgjigjej duke bombarduar Izraelin qendror.
Kryeministri izraelit Yair Lapid tha se Izraeli nuk do të lejojë organizatat terroriste të vendosin axhendën. "Le të dijë kushdo që ngrihet për të dëmtuar Izraelin se ne do t'i arrijmë. Forcat tona të sigurisë do të veprojnë kundër terroristëve të Xhihadit Islamik për të hequr kërcënimin nga qytetarët e Izraelit," tha ai.
Forcat Mbrojtëse të Izraelit (IDF) thanë se po sulmonin vende të lidhura me PIJ. Ato përfshijnë kullën e lartë Palestine në qytetin e Gazës, e goditur nga një shpërthim i fuqishëm që la tym të derdhur nga ndërtesa.
Katër militantë të PIJ-së, përfshirë komandantin, Tayseer Jabari dhe një vajzë pesëvjeçare kanë qenë në mesin e të vrarëve që nga fillimi i sulmeve.