Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Në prag të zgjedhjeve, Berlusconi del në krah të Putinit: Ishte i detyruar për operacionin në Ukrainë

Politiko 23 Shtator 2022, 11:55

Në prag të zgjedhjeve, Berlusconi del në krah të Putinit:

Ish-kryeministri italian Silvio Berlusconi ka mbrojtur pushtimin e Ukrainës nga Vladimir Putin, duke thënë se lideri rus ishte "shtyrë" në konflikt.

85-vjeçari tha se trupat ruse duhej të zëvendësonin qeverinë me "njerëz të mirë" dhe më pas të largoheshin. Ish-kryeministri italian është një aleat afatgjatë i presidentit rus.

Këtë fundjavë partia e tij pritet të marrë pushtetin si pjesë e një koalicioni të krahut të djathtë në zgjedhjet e përgjithshme në Itali. Berlusconi tha se: “Putini u shty nga popullsia ruse, nga partia e tij dhe nga ministrat e tij për këtë operacion special.

Trupat duhej të hynin, të arrinin në Kiev brenda një jave, të zëvendësonin qeverinë Zelensky me njerëz të mirë dhe një javë më vonë të ktheheshin. Në vend të kësaj ata gjetën një rezistencë të papritur, e cila më pas u ushqye nga armë të të gjitha llojeve nga Perëndimi."

Berlusconi ka qenë prej kohësh një admirues i Putinit, në vitin 2012 duke iu bashkuar kryeministrit të atëhershëm për një udhëtim në qytetin rus të Soçit.

Por në prill, ai dënoi pushtimin dhe tha se ishte "thellësisht i zhgënjyer dhe i trishtuar" nga sjellja e Putin, duke shtuar se "masakrat e civilëve në Bucha janë krime të vërteta lufte".

Udhëheqësi i partisë Forza Italia aktualisht po bën fushatë si pjesë e një koalicioni të krahut të djathtë përpara zgjedhjeve të përgjithshme të së dielës.

Pavarësisht miqësisë së mëparshme të Berlusconit me Putinin dhe kritikave të Salvinit ndaj sanksioneve perëndimore ndaj Rusisë, Meloni, e cila pritet të jetë kryeministrja e re është zotuar të vazhdojë mbështetjen e Italisë për Ukrainën.

"Lufta në Ukrainë është maja e ajsbergut të një konflikti që synon riformësimin e rendit botëror. Pra, ne duhet ta luftojmë këtë betejë", tha ajo në fillim të këtij muaji.

Burimi: BBC

Të fundit