Flash News

Konflikti në Fushë-Milot, policia del me njoftim: Nuk u gjet asnjë gëzhojë

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

Shifrat/ Vlora, qarku me pjesëmarrjen më të ulët në votime

Erion Veliaj voton në ambientet e paraburgimit të Durrësit

Bota

“Në rrugë dhe qiell beteja vijon”, Zelensky: Populli ukrainas ka fituar! Rusia të më dëgjojë, keni mijëra viktima

Politiko 26 Shkurt 2022, 21:54

“Në rrugë dhe qiell beteja vijon”, Zelensky: Populli

Teksa Rusia vijon bombardimet dhe sulmet mbi Ukrainën, presidenti Volodymyr Zelensky ka dalë me një deklaratë për popullin ukrainas. Zelensky deklaroi se pavarësisht armëve, raketave që ushtria ruse po përdor, ukrainasit kanë arritur të bëjnë rezistencë.

Presidenti u shpreh se pikat kyçe të Ukrainës së bashku me kryeqytetin Kievin, tashmë kanë rënë nën kontrollin e Rusisë, por megjithatë ai shtoi se ukrainasit nuk zmbrapsen. Ai i është drejtuar me një thirrje popullin ukrainas dhe atij rus.

Popullit të tij, Zelensky i tha të qëndrojnë të fortë dhe nëse vërtet duan ta shkatërrojnë p0ushtuesin duhet ta bëjnë tani. Ndërsa për popullin rus, Zelensky bëri thirrje t’i kërkojnë qeverisë të ndalojë luftën, pasi shumë ushtarë të dërguar në Ukrainë për të vrarë, kanë mbetur të vdekur nga sulmet.

“Dua ta nis këtë apel me lajme të mira. Ne kemi rezistuar dhe po zmbrapsim me sukses sulmet e armikut. Luftimet vijojnë në disa qytete e zona të shtetit tonë. Por ne dimë ta mbrojmë vendin, tokë, të ardhmen e fëmijëve tanë. Kievi dhe qytetet kyçe qark kryeqytetit janë nën kontrollin e ushtrisë sonë. Pushtuesi do të bllokojë qendrën tonë dhe të vendosë edhe këtu, kukullën e saj, siç bëri në Donjetsk. Nuk janë aspak në avantazh ndaj nesh. Në rrugët dhe qiellin e Kievit beteja vijon. Armiku ka përdorur gjithçka ndaj nesh, raketa, sulme nga ajri, me drone, artileri të rëndë, automjete të rënda. Jua them sinqerisht. Populli ukrainas tashmë ka fituar dhe ka të drejtë të jetë një vend anëtar i BE. Kjo do të jetë prova kyçe për mbështetjen ndaj vendit tonë. Ukrainas, duhet të mbani mend diçka. Në qoftë se mund ta ndaloni dhe shkatërroni pushtuesin, bëjeni. Të gjithë ata që mund të kthehen në Ukrainë, bëjeni, kthehuni e mbroni Ukrainën. Më pas kemi shumë punë për të rindërtuar vendin. Dua që edhe Rusia të më dëgjojë. Keni mijëra viktima. U dërguan në Ukrainë për të vrarë të tjerët, por vdiqën. Sa më parë t’i thoni qeverisë suaj ta ndalojë luftën, aq më shumë nga njerëzit tuaj do të mbeten gjallë”, deklaroi presidenti Zelensky.

Të fundit