Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Nënshtetësia gjermane mbërrin nivel rekord, në 2024 u natyralizuan 292 mijë të huaj

Politiko 11 Qershor 2025, 13:53

Nënshtetësia gjermane mbërrin nivel rekord, në 2024 u

Marrja e nënshtetësisë në Gjermani mbërriti nivele rekord gjatë 2024-tës.

Të dhënat e publikuara nga Zyra Federale e Statistikave në Wiesbaden, tregojnë se gati 292.000 të huaj morën shtetësinë gjermane vitin e kaluar, çka përfaqëson një rritje prej 46%.

Numri më i madh i atyre që u natyralizuan ishin personat me kombësi siriane. Pas tyre vinin shtetasit me kombësi turke (8%), irakiane (5%), ruse (4%) dhe afgane (3%). Mes këtyre pesë kombësive më të përfaqësuara, u rrit më shumë në përqindje numri i natyralizimeve të rusëve.

Sipas statistikave federale, reforma e ligjit të shtetësisë në qershor 2024 është një nga arsyet kryesore për këtë rritje të ndjeshme. Në veçanti, ajo zvogëlon kohëzgjatjen e qëndrimit të kërkuar për të marrë natyralizimin: në vend të tetë viteve më parë, tani është i mjaftueshëm një qëndrim ligjor prej pesë vitesh.

Baza statistikore ka ndryshuar në vitin 2024 për shkak të hyrjes në fuqi të ligjit të modernizuar të kombësisë në qershor të vitit të kaluar. Në rastin e përpjekjeve të veçanta për integrim, siç janë rezultatet e mira akademike ose profesionale, periudha minimale e qëndrimit mund të reduktohet në tre vjet, në vend të gjashtë ose shtatë viteve të mëparshme.

Veç kësaj, ligji në përgjithësi lejon shtetësinë e dyfishtë: njerëzit që janë natyralizuar në Gjermani mund të ruajnë shtetësinë e tyre të mëparshme.

Qeveria e re federale dëshiron të heqë përsëri natyralizimin e shpejtë, e në vend të pas tre viteve, një pasaportë gjermane do të jepet pas pesë vjetësh, në rastin më të mirë.

Të fundit