Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

“Nëse BE nuk reformohet, zgjerimi ndoshta nuk do të ndodhë kurrë”, ç'thotë për Shqipërinë eksperti austriak

Politiko 10 Nëntor 2022, 19:10

“Nëse BE nuk reformohet, zgjerimi ndoshta nuk do të ndodhë

Pas dy vitesh bllokadë, vendet anëtare të BE-së gjatë korrikut arritën një konsensus për hapjen e negociatave me Maqedoninë e Veriut dhe Shqipërinë. Ukraina dhe Moldavia u bënë vende kandidate për anëtarësim në Bashkimin Evropian.

Shumë besojnë se lufta në Ukrainë e ka kthyer fokusin e vendeve anëtare në procesin e zgjerimit. Megjithatë, pavarësisht nga kjo, anketat e ndryshme të opinionit publik në shtetet anëtare të Bashkimit Evropian tregojnë se qytetarët e BE-së mbeten skeptikë për zgjerimin.

Në lidhje me procesin e zgjerimit në Ballkanin Perëndimor dhe ndikimin e luftës në Ukrainë në marrëdhëniet e Bashkimit Evropian me Ballkanin Perëndimor, European Western Balkans foli me Paul Schmidt, Sekretar i Përgjithshëm në Shoqërinë Austriake për Politikat Evropiane ( ÖGfE), gjatë shkollës verore në Cres të organizuar nga “rrjeti WB2EU”.

European Western Balkans: Pas bllokadave, u hapën negociatat me Shqipërinë dhe Maqedoninë e Veriut. Megjithatë, shumë do të thonë se BE-ja plotësoi kërkesat shumë më nacionaliste të Bullgarisë. Çfarë mendoni për mënyrën se si u arrit konsensusi për hapjen e negociatave me Maqedoninë e Veriut?

Paul Schmidt: Shumë aspekte të këtij procesi në fakt duhet të kritikohen, por mendoj se ajo që ka rëndësi në fund është se është një hap konstruktiv në drejtimin e duhur. Besoj se njeriu duhet të jetë optimist dhe të shikojë drejt së ardhmes. Shqipëria dhe Maqedonia e Veriut kërkuan me të drejtë hapjen e negociatave dhe ishin të suksesshme. Ky është mesazhi më i rëndësishëm. Çështjet e tjera do të zgjidhen hap pas hapi pasi të arrijmë te kapitujt përkatës dhe ato do të diskutohen gjatë rrugës. Gjithmonë ka vende me interesa të veçanta kombëtare dhe mund të flasim shumë e shumë orë për rastin e Bullgarisë, por në fund të fundit vetëm faktet kanë rëndësi. Tani le të kalojmë në momentin tjetër të rëndësishëm që është fillimi i negociatave.

Sigurisht që do të përballemi me pengesa dhe sfida, me Bullgarinë, edhe me vende të tjera. Nuk është një rrugë e lehtë. Është një proces kompleks për t'u anëtarësuar në Bashkimin Evropian. Duhet kohë, duhen vite dhe duhet shumë durim dhe angazhim politik nga të gjitha anët. Është një qasje e bazuar në merita, por edhe gjithnjë e më shumë politike. Megjithatë, reformat do të jenë të nevojshme nga të dyja palët. Mendoj se Shqipëria dhe Maqedonia e Veriut janë në fakt në një pozitë të mirë krahasuar me të tjerat dhe kjo dritare mundësie duhet shfrytëzuar. Ne do të arrijmë te detajet e thella të cilat do të duhet të negociohen. Megjithatë, kjo nuk ka të bëjë vetëm me artin e kompromisit politik, por me faktet empirike, reformat ligjore, politike dhe sociale dhe transformimin shoqëror. Le të fillojmë negociatat.