Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Bota

Netanyahu ultimatum Hamasit: Lironi pengjet deri të shtunën ose lufta rinis

Politiko 11 Shkurt 2025, 19:45

Netanyahu ultimatum Hamasit: Lironi pengjet deri të shtunën ose lufta
Kryeministri i Izraelit, Benjamin Netanyahu, ka paralajmëruar Hamasin se nëse nuk lirohen pengjet deri të shtunën, armëpushimi në Gaza do të përfundojë dhe ushtria izraelite do të rikthehet në luftime intensive.

Në një takim 4-orësh me kabinetin qeveritar, Netanyahu deklaroi se vendimi u miratua unanimisht nga të gjithë anëtarët e kabinetit të tij.

Deri tani, 16 pengje izraelite janë liruar në këmbim të qindra të burgosurve palestinezë që prej 19 janarit. Hamasi ka dorëzuar gjithashtu pesë pengje tajlandeze, ndërsa mbeten ende 17 pengje izraelite, nga të cilët tetë dyshohet se janë të vdekur.

Netanyahu: “IDF është e gatshme të rinisë luftimet”
“Sapo përfundova një diskutim të thelluar në kabinetin politik-siguri. Të gjithë jemi të indinjuar për situatën e tre pengjeve të liruar të shtunën. Nëse Hamasi nuk i kthen pengjet deri të shtunën në mesditë, armëpushimi do të ndërpritet dhe IDF do të rifillojë ofensivën deri në mposhtjen e plotë të Hamasit,” deklaroi Netanyahu.

Raportohet se forcat izraelite kanë nisur grumbullimin e trupave brenda dhe rreth Gazës, ndërsa tensionet mes palëve po arrijnë një tjetër kulm.

Të fundit