Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Nisen nga Ukraina dy anije të tjera me grurë

Politiko 20 Gusht 2022, 11:41

Nisen nga Ukraina dy anije të tjera me grurë

Dy anije të tjera që transportojnë drithë janë larguar nga porti Chornomorsk i Ukrainës, tha Ministria e Mbrojtjes e Turqisë të shtunën, duke e çuar numrin e përgjithshëm të anijeve tw larguara nga portet e Detit të Zi të Ukrainës sipas një marrëveshjeje të ndërmjetësuar nga OKB për eksportin e grurit në 27.

Anijet ‘Zumrut Ana’ dhe ‘MV Ocean S’, të cilat janë të autorizuara të nisen më 20 gusht, u ngarkuan me 6,300 ton vaj luledielli dhe 25,000 ton grurë, tha në një deklaratë qendra e përbashkët e koordinimit e krijuar për të mundësuar kalimin e sigurt, shkruan Reuters.

Autoriteti i Porteve Detare të Ukrainës tha të shtunën, se tre porte detare ukrainase kishin filluar ngarkimin e ushqimit në shtatë anije, të cilat do të dërgonin 66,500 ton grurë, misër dhe vaj luledielli për konsumatorët.

Eksportet e drithërave të Ukrainës kanë rënë që nga fillimi i luftës, sepse portet e saj të Detit të Zi - një rrugë jetike për dërgesat - u mbyllën, duke rritur çmimet globale të ushqimit dhe duke shkaktuar frikë nga mungesa në Afrikë dhe Lindjen e Mesme.

Në fund të korrikut, tre porte të Detit të Zi u zhbllokuan sipas një marrëveshjeje midis Moskës dhe Kievit, të ndërmjetësuar nga Kombet e Bashkuara dhe Turqia.

Autoriteti tha se ushqimet me origjinë ukrainase do të dërgohen në Francë, Sudan, Turqi dhe Holandë.

Ministri i Infrastrukturës së Ukrainës, Oleksandr Kubrakov tha të premten se dhjetë anije të tjera mallrash po ngarkoheshin me grurë në portet e Detit të Zi të Ukrainës dhe po përgatiteshin për dërgesë.

Ai tha se 25 anije ishin dërguar tashmë nga tre portet e Ukrainës, me 630,000 ton produkte bujqësore në bord.

Të fundit