Njihuni me disa nga urdhrat ekzekutivë që Trump ka nënshkruar deri më tani

Donald Trump ka firmosur tashmë një mori urdhrash ekzekutivë, nga imigracioni dhe klima deri te falja e njerëzve të dënuar për trazirat e Kapitolit të vitit 2021.

Këtu është një përmbledhje e disa prej veprimeve të presidentit të ri deri më tani;

Emigracioni

Ai ka shpallur një emergjencë kombëtare në kufirin jugor
Trump urdhëroi që zyrtarët t'u mohojnë të drejtën e nënshtetësisë fëmijëve të emigrantëve në SHBA në mënyrë të paligjshme ose me viza të përkohshme.
Bandat dhe kartelet janë cilësuar si organizata të huaja terroriste
Klima dhe energjia

Trump ka nënshkruar sërish tërheqjen nga marrëveshja e Parisit për klimën
Ai ka shpallur një "emergjencë kombëtare të energjisë" dhe u zotua për më shumë lëndë djegëse fosile.
Organizata Botërore e Shëndetësisë

Trump nënshkroi një urdhër ekzekutiv për të filluar procesin e tërheqjes së SHBA nga organi shëndetësor i OKB-së, Organizata Botërore e Shëndetësisë (OBSH).
Diversiteti dhe gjinia

Trump ka deklaruar se SHBA do të njohë vetëm "dy gjini, mashkull dhe femër"
Ai gjithashtu ka ndalur të gjitha programet e "diversitetit, barazisë dhe përfshirjes" (DEI) brenda qeverisë federale
Trazirat e Kapitolit 2021

Presidenti ka miraruar falje për afro 1600 mbështetës të tij që u arrestuan në trazirat në Kapitolin e SHBA në 2021
Ai gjithashtu zbuti  dënimet për anëtarët e Oath Keepers dhe Proud Boys, grupe të ekstremit të djathtë të cilët u dënuan për komplot kryengritës në lidhje me trazirat
Ekonomia

Trump ka nënshkruar një direktivë duke i kërkuar çdo departamenti dhe agjencie federale amerikane të adresojë koston e jetesës