Flash News

Aksident në Durrës, makinë përplas skuterin me dy 13-vjeçarë

Atentati në Lundër/ Gjendet motomjet i djegur që dyshohet se u përdor nga autorët

Ra nga lartësia në kantierin e aeroportit të Vlorës, humb jetën punëtori

SPAK lëshon 3 urdhër arreste për shefin e qarkullimit Rrugor në Tiranë dhe 2 zyrtarë të tjerë të policisë

Atentati ndaj 4 të rinjve në Lundër, plumbat prekën edhe një “Ford”

Kosova

Nuk ka marrëveshje për kryetarin e Kuvendit, rifillojnë të hënën procedurat

Politiko 19 Prill 2025, 16:00

Nuk ka marrëveshje për kryetarin e Kuvendit, rifillojnë të

Seanca konstituive e Kuvendit të ri të Kosovës është shoqëruar me zhvillime të rëndësishme, ku ndonëse u arrit miratimi i raportit për verifikimin e mandateve të deputetëve, nuk pati sukses në zgjedhjen e kryetarit të ri të Kuvendit.

Në raundin e dytë të votimit për postin e kryetarit të Kuvendit, kandidatja e propozuar nga Lëvizja Vetëvendosje, Albulena Haxhiu, mori 57 vota pro, 19 kundër dhe 3 abstenime, duke mos arritur numrin e nevojshëm për t’u zgjedhur në krye të legjislativit. Për pasojë, drejtuesi i seancës, Avni Dehari, vendosi të ndërpresë seancën për 48 orë, duke e shtyrë atë deri të hënën në orën 15:00.

Megjithatë, në këtë seancë, Kuvendi ka arritur të votojë me unanimitet raportin e Komisionit të përkohshëm për verifikimin e mandatave dhe kuorumit. Kryesuesi i Komisionit, Artan Abrashi, paraqiti para deputetëve raportin e bazuar në certifikimin e rezultateve nga KQZ-ja, i cili përfshin edhe listën e plotë të 120 deputetëve të rinj.

Pas miratimit të raportit, deputetët e Kuvendit të Kosovës kanë bërë betimin, duke u ngritur në këmbë dhe duke lexuar në kor tekstin përkatës, si hap formal për fillimin e punës së legjislaturës së re.

Të gjitha sytë tashmë janë drejt seancës së radhës, ku do të provohet sërish zgjedhja e kryetarit të Kuvendit.

Të fundit