OBSH: Herët dhe joreale të mendosh se pandemia do të përfundojë këtë vit

Një zyrtar i lartë i Organizatës Botërore të Shëndetësisë tha të hënën se do ishte "e parakohshme" dhe "joreale" të mendosh se pandemia mund të ndalet deri në fund të vitit, por gjithsesi vaksina mund të ndihmojë të ulë në mënyrë dramatike shtrimet në spitale dhe vdekjen.

Fokusi tani duhet të jetë mbajtja e transmetimit të Covid-19 sa më ulët të jetë e mundur, tha Dr. Michael Ryan, drejtor i programit të urgjencave të OBSH-së.

Ryan tha se OBSH u sigurua nga të dhënat e fundit se shumë prej vaksinave të licencuara duket se po ndihmojnë në frenimin e përhapjes të virusit.

"Nëse vaksinat fillojnë të ndikojnë jo vetëm në vdekjet dhe shtrimet në spital, por kanë një ndikim të rëndësishëm në dinamikën dhe rrezikun e transmetimit, atëherë unë besoj se ne do të shkojmë drejt fundit të pandemisë”, tha Ryan.

Ndërkohë, drejtori i përgjithshëm i OBSH-së, tha se ishte "për të ardhur keq" që më të rinjtë dhe më të shëndetshmit në disa vende të pasura, po vaksinohen kundër koronavirusit para punonjësve shëndetësorë në vendet në zhvillim.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm