Flash News

Bota

"Pandemia tjetër do të jetë më e rëndë", epidemiologu amerikan: Kemi një lajm të mirë dhe një të keq

"Pandemia tjetër do të jetë më e rëndë",

Epidemiologu amerikan Michael Osterholm në një intervistë për gazetën italiane La Repubblica foli për situatën e pandemisë, vaksinën anti-covid që sipas tij është lajm i mirë që puna po ecën me shpejtësi dhe lajm i keq që nuk do të jetë gati para tremujorit të dytë ose të tretë të vitit 2021

“Ne kemi një lajm të mirë dhe të keq. Lajmi i mirë është se kërkimi dhe puna e vaksinave po ecën shumë shpejt, shumë më shpejt sesa imagjinonim. Tani duhet të presim për procesin e miratimit, duhet të punojmë në proceset e prodhimit dhe shpërndarjes dhe pastaj mund t’ua japim atyre njerëzve, dhe unë jam i sigurt që kjo do të ketë një ndikim të madh në pandeminë. Lajmi i keq, sidoqoftë, është se duhet të presim akoma. Unë nuk mendoj se do të shohim vaksina para tremujorit të dytë ose të tretë të vitit 2021”, tha Osterholm.

Shkencëtari amerikan tha se një pandemi tjetër në të ardhmen do të ishte shumë më keq, ndërsa shpreson që mos ti gjejë të papërgatitur siç ndodhi me COVID-19.

“Nuk mund të them me siguri nëse pandemia tjetër do të jetë më e madhe se kjo, por padyshim që do të jetë më keq. Nëse do të ishte e ngjashme me atë të vitit 1918, për shembull, do të prekte njerëzit e moshës 18 deri 30 vjeç dhe për këtë arsye gjithçka do të ishte ndryshe. Unë me të vërtetë shpresoj që pandemia e ardhshme të mos na kapë të papërgatitur”, u shpreh epidemilogu amerikan.

Ditari politik

Të fundit