Flash News

Burgu i Durrësit ‘bastion’ i PS

Demokratët fitojnë bindshëm Kavajën

Blinin vota për PSD, në pranga një person, shpallet në kërkim kryeplaku i fshatit në Kukës

Përmbysja e rezultatit në Lezhë, PD-ASHM siguron 4 deputetë

Rezultati/ PS fiton për herë të parë në Paskuqan

Bota

Pas protestave kundër Turqisë në Suedi, vjen paralajmërimi nga Stambolli

Politiko 29 Janar 2023, 09:24

Pas protestave kundër Turqisë në Suedi, vjen paralajmërimi

Turqia ka paralajmëruar qytetarët e saj që jetojnë ose planifikojnë të shkojnë në vendet evropiane, duke përmendur islamofobinë dhe demonstratat antiturke.

Paralajmërimi vjen pas protestave të fundjavës së kaluar në Suedi, ku një aktivist anti-islam dogji Kuranin dhe grupet pro-kurde protestuan kundër Turqisë, raporton AP.

Ministria e Jashtme turke u bëri thirrje qytetarëve të saj që të marrin masa paraprake dhe të qëndrojnë larg zonave të demonstrimit. Sipas ministries, qytetarët duhet të shkojnë tek autoritetet lokale nëse përballen me sulme ksenofobike ose raciste.

Turqia dënoi me forcë djegien e Kuranit në Stokholm nga aktivisti i së djathtës ekstreme Rasmus Paludan, të cilën ai e përsëriti të premten në Kopenhagë. Ankaraja thirri gjithashtu ambasadorin holandez pasi një tjetër aktivist i ekstremit të djathtë grisi faqet e Kuranit në Hagë.

Qeveria turke tha gjithashtu se kishte një rritje të protestave antiturke nga "grupet me lidhje me grupet terroriste" - një referencë për Partinë e Punëtorëve të Kurdistanit, ose PKK, e cila ka zhvilluar një kryengritje dekadash kundër Turqisë.

Grupet pro-kurde kanë demonstruar në Suedi, duke valëvitur flamujt e PKK-së dhe anëtarëve të saj. Protestat janë një përgjigje ndaj premtimit të Suedisë dhe Finlandës për të parandaluar aktivitetet e PKK-së në vendet e tyre në mënyrë që të fitojnë miratimin e Turqisë për ofertat e tyre në NATO.

Të fundit