Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Merr flakë makina pranë stacionit të trenit në Durrës

E akuzuar për përndjekje, arrestohet ish-drejtoresha e spitalit të Dibrës

Pse iu ka mërzitur kaq shumë fushata e Berishës?

Fushatë brenda shkollës, Zegjineja e Roskovecit kallëzohet në KQZ

Bota

Pas vdekjes së një pacienteje, Austria pezullon përdorimin e vaksinave AstraZeneca

Politiko 7 Mars 2021, 14:39

Pas vdekjes së një pacienteje, Austria pezullon përdorimin e

Agjencia Austriake e Shëndetsisë ka deklaruar sot pezullimin e përkohshëm të vaksinimit me AstraZenneca, pasi një grua 49-vjeçare humbi jetën, ndërsa një 35-vjeçare zhvilloi emboli pulmonare dhe është në proces shërimi.

"Si masë paraprake, rezervat e mbetura të grupit të vaksinave nuk do të përdoren për vaksinimin”, thanë autoritetet.

Autoritetet thonë se mpiksja e gjakut nuk është në mesin e efekteve të njohura anësore të vaksinës, megjithëse janë duke u zhvilluar hetime për çdo lidhje të mundshme.

Autoritetet austriake kanë pezulluar inokulimet me një seri të vaksinës të AstraZeneca si një masë paraprake, ndërsa po hetojnë vdekjen e gruas dhe simptomat e rënda të një tjetre pas dozave.

Zyra Federale për Sigurinë në Kujdesin Shëndetësor ka marrë dy raporte nga i njëjti grup i vaksinës së AstraZeneca në klinikën e rrethit të Zwettl në provincën e Austrisë së Ulët. 

Mediat austriake raportojnë se të dyja gratë ishin infermiere që punonin në klinikën në Zwettl.

AstraZeneca në anën tjetër kishte deklaruar se kompania ishte në kontakt me autoritetet austriake dhe do të mbështeste plotësisht hetimin. Ata theksuan se vaksina ishte aprovuar nga Agjencia Evropiane e Barnave dhe Organizata Botërore e Shëndetësisë bazuar në një program global klinik që përfshinte 23,000 vullnetarë.

Rregullatorët e Bashkimit Evropian më 30 janar miratuan produktin, duke thënë se ai ishte efektiv dhe i sigurt për t'u përdorur.

Të fundit