Flash News

Zelensky reagon pas largimit nga Shtëpia e Bardhë: Faleminderit, Amerikë!

Tensionet në takimin Trump-Zelensky, zbardhen bisedat: Ti thua se nuk dëshiron armëpushim

Trump akuza Zelensky: Po luani bixhoz me Luftën e Tretë Botërore

Dyshohet se u vra me thikë nga partneri në Tiranë, publikohet FOTO e 24-vjeçares nga Palestina

Inceneratori i Tiranës, SPAK kërkon dënimin me 5 vite burg të Alqi Bllakos

Bota

Pas SHBA-së edhe Britania shkurton ndihmat e huaja, preket edhe Ballkani

Politiko 28 Shkurt 2025, 16:34

Pas SHBA-së edhe Britania shkurton ndihmat e huaja, preket edhe Ballkani

Jep dorëheqjen Anneliese Dodds, ministrja e Zhvillimit Ndërkombëtar, pas vendimit të kryeministrit britanik, Keir Starmer për të përgjysmuar buxhetin e ndihmës ndërkombëtare në favor të rritjes së shpenzimeve për mbrojtjen.

Si deputete laburiste dhe anëtare e kabinetit, Dodds paralajmëroi se shkurtimi i fondeve për zhvillimin do të forconte pozicionin e Rusisë, e cila po zgjeron agresivisht praninë e saj globale, si dhe do të ndihmonte Kinën në përpjekjet e saj për të riformuluar rregullat ndërkombëtare.

Ajo tha se ishte informuar për vendimin e Starmerit vetëm disa ditë më parë, por vendosi të mos dorëhiqej menjëherë për të mos penguar vizitën e kryeministrit në Uashington, ku ai kërkonte garanci për Ukrainën nga presidenti amerikan, Donald Trump.

Sipas saj, me një buxhet të reduktuar, qeverisë do t’i jetë e pamundur të mbajë angazhimet e saj për ndihmën në Gaza, Sudan dhe Ukrainë.

Në letrën e saj të dorëheqjes, Dodds e përshkroi vendimin për shkurtimet si një hap që do të ndikojë negativisht jo vetëm në ndihmën humanitare, por edhe në reputacionin e Mbretërisë së Bashkuar në arenën ndërkombëtare.


Ajo shtoi se vendimi qeveritar do të çonte në tërheqjen e Britanisë nga rajone kyçe si Afrika, Karaibet dhe Ballkani Perëndimor, duke krijuar një boshllëk që do të shfrytëzohej nga aktorë të tjerë ndërkombëtarë.

Të fundit