Flash News

PD kundër kërkesës së PS për shtyrjen e orarit të votimit në Vlorë: Abuzim me procesin zgjedhor

I kërkuar në Shqipëri për vrasje, arrestohet në Greqi Ardian Ahmetaj, shoku i Laert Haxhiut

Dita e dytë e “Giro d’Italia 2025”, rrugët që do bllokohen në Tiranë

Tre efektivë policie në Tiranë nën hetim për veprime arbitrare ndaj një të mituri

DW: Zgjedhjet parlamentare, provë vendimtare për në BE

Bota

Përcillet për në banesën e fundit presidenti i Izraelit, mijëra njerëz në homazhe

Politiko 22 Maj 2024, 15:07

Përcillet për në banesën e fundit presidenti i Izraelit,

 Qindra mijëra iranianë kanë dalë në rrugët e Teheranit që nga mëngjesi i sotëm për t'i dhënë lamtumirën Presidentit Ebrahim Raisi, i cili vdiq të dielën, së bashku me ministrin e Jashtëm Hossein Abtolakhian dhe gjashtë persona të tjerë, pasi helikopteri me të cilin po udhëtonin u rrëzua.

Duke mbajtur portrete të presidentit të ndjerë dhe flamuj iranianë në duar, turma u mblodh rreth Universitetit të Teheranit, duke brohoritur parulla kundër Shteteve të Bashkuara. Udhëheqësi suprem i Iranit Ayatollah Ali Khamenei udhëhoqi procesionin funeral për Raisi dhe shtatë personat e tjerë, arkivolët e të cilëve ishin të veshur me flamurin iranian. 

"O Allah, ne pamë vetëm të mira prej tij," tha Khamenei gjatë lutjes, ndërsa presidenti i përkohshëm në detyrë Mohammad Mohbar, i cili qëndroi pranë, nuk mundi t'i mbante lotët.

Në ceremoni ishin të pranishëm edhe kryeministri i Pakistanit, Shebaz Sharif , një delegacion i talebanëve afganë, i dyti në komandë i Hezbollahut, Naim Qassem dhe përfaqësues nga Turqia, Rusia dhe Iraku.

Dita e sotme është shpallur ditë zie publike dhe banorët e Teheranit kanë marrë mesazhe në celularët e tyre që i ftojnë të marrin pjesë në varrimin e dëshmorit Raisi. Gjithashtu, autoritetet iraniane kanë shpallur pesë ditë zie në të gjithë vendin.

Të fundit