Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Përjashtimi i mundshëm i Schröder nga SPD ‘përçan’ socialdemokratët gjermanë

Politiko 15 Korrik 2022, 10:40
Përjashtimi i mundshëm i Schröder nga SPD
Në foto/ Ish-kancelari gjerman Gerhard Schröder

Komiteti i SPD-së në Hannover doli të enjten pa një vendim për të përjashtuar ose jo ish-kancelarin gjerman Gerhard Schröder nga partia për lidhjet e tij me Rusinë.

Diskutimi në komitetin e SPD-së zgjati për rreth dy orë, raporton Euractiv. Sipas drejtorit menaxhues të SPD-së Christoph Matterne u shpreh se diskutimet joformale do të vijojnë sot dhe pritet të arrihet një marrëveshje në tri javët e ardhshme.

Deri tani ka pasur 17 kërkesa zyrtare për të përjashtuar Schröderin, i cili shërbeu si kancelar i Gjermanisë nga viti 1998 deri në vitin 2005.

Çështja e përjashtimit të Schröder ka çuar në shumë trazira brenda SPD-së, pasi një pjesë e anëtarëve të partisë, janë pozicionuar në mbështetje të Schröder, ka pohuar Matterne.

"Ata thonë: Nëse Gerhard Schröder dëbohet, atëherë është fundi i rrugës edhe për mua, pas 40 vjetësh," tha Matterne.

Megjithatë, Schröder ka humbur mbështetjen e anëtarëve të partisë më të lartë, shumica e të cilëve kanë mbajtur një miqësi të gjatë me ish-kancelarin.

Pas pushtimit të Ukrainës nga Moska, roli i ish-zyrtarëve të lartë evropianë në kompanitë ruse është vënë nën një shqyrtim. Pozicioni i Schröder-it si kryetar i bordit mbikëqyrës të gjigantit rus të energjisë Rosneft është vënë nën kritika të veçanta. Pas presionit publik, Schröder dha dorëheqjen në maj.

Në mars, kreu i partisë SPD, Lars Klingbeil, i cili i përkiste rrethit të ngushtë të Schröder-it, u distancua nga ish-miku i tij, duke thënë se kishte pasur një përçarje politike mes tij dhe Schröder.

“Schröder kishte vendosur vetë se varësia e tij financiare dhe personale nga Putini është më e rëndësishme për të sesa angazhimi i tij ndaj SPD-së ose trashëgimia e kancelarit të tij”, tha kryetari i SPD Thomas Kutschaty për Rheinische Post.

Në maj, parlamenti gjerman anuloi privilegjet e Schröder-it si ish-kancelar dhe i hoqi përkohësisht zyrën e tij në Bundestag dhe personelin që vjen me të.

Bundestagu e justifikoi masën duke iu referuar sjelljes së Schröder-it gjatë luftës ruse të agresionit, ku ai refuzoi të mbante një qëndrim të qartë kundër Kremlinit.

Të fundit