Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Përmbyset anija me emigrantë në brigjet e Floridës, 39 persona të zhdukur

Politiko 26 Janar 2022, 09:20

Përmbyset anija me emigrantë në brigjet e Floridës, 39

Një anije është përmbysur në brigjet e Floridës gjatë rrugës nga Bahamas. AP raporton se 39 persona rezultojnë të zhdukur, ndërsa Roja Bregdetare e SHBA-së ka deklaruar se anija përdorej për kontrabandën e qenieve njerëzore.

Anija u përmbys si pasojë e motit të keq dhe askush prej personave që gjendeshin në të nuk kishin veshur jelek shpëtimi. Një person, i cili arriti të shpëtonte njoftoi autoritetet, të cilat kanë nisur operacionin e kërkim-shpëtimit.

Zyrtarët thanë në Tëitter se ata janë duke kërkuar nga ajri dhe nga deti mbi një zonë afërsisht 135 milje (218 kilometra) që shtrihet nga Bimini në hyrje të Fort Pierce.

Emigrantët kanë përdorur prej kohësh ishujt e Bahamas si një hap për të arritur në Florida dhe Shtetet e Bashkuara. Ata zakonisht përpiqen të përfitojnë nga moti, por anijet shpesh janë të mbingarkuara në mënyrë të rrezikshme dhe të prirura për t'u përmbysur. Ka pasur mijëra vdekje ndër vite.

Në pjesën më të madhe, emigrantët janë nga Haiti dhe Kuba, por Forca Mbrojtëse Mbretërore e Bahamas ka raportuar se ka kapur emigrantë nga pjesë të tjera të botës, duke përfshirë nga Kolumbia dhe Ekuadori në fillim të këtij muaji.

 

 

Të fundit