Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Bota

Përmendet në dosjen "Epstein", Lajçak flet pas dorëheqjes: Kam qenë në shtëpinë e tij, nuk i mbaj mend mesazhet

Politiko 3 Shkurt 2026, 12:30

Përmendet në dosjen "Epstein", Lajçak flet pas

Pasi u dorëhoq nga posti i këshilltarit të kryeministrit Robert Fico, Miroslav Lajçak ka folur rreth përmendjes së emrit të tij në dosjen "Epstein". Në një intervistë për Radio Slovakia, Lajçak deklaroi se nuk i kujtohen mesazhet që ka shkëmbyer me Jeffrey Epstein dhe se nuk mund ta konfirmojë vërtetësinë e tyre, por as nuk mund t’i mohojë.

“Sinqerisht, nuk i mbaj mend ato mesazhe. Nuk mund t’i konfirmoj, por as nuk mund t’i mohoj. Por kjo nuk më liron nga përgjegjësia. Tregova gjykim të keq dhe komunikim të papërshtatshëm. Ato mesazhe nuk ishin gjë tjetër veçse një akt idiot i egos mashkullore – shaka të vetëkënaqura”, tha Lajçak.

Emri i diplomatit sllovak u përmend në publikimin e fundit të dosjeve të lidhura me Epstein të premten. Të nesërmen, Lajçak dha dorëheqjen nga posti i këshilltarit të kryeministrit Robert Fico.

Deri atëherë, ai kishte shmangur daljet në media, duke reaguar vetëm përmes deklaratave me shkrim.

Ai shpjegoi se në vitin 2017 kishte mbërritur në Nju Jork për të marrë një post njëvjeçar në Kombet e Bashkuara dhe se Epstein iu prezantua nga një diplomat i lartë i huaj. Sipas tij, Epstein ishte i njohur gjerësisht dhe takohej me figura të shumta biznesi dhe politike në SHBA dhe jashtë saj.

“Nuk pashë asnjë arsye për të mos u takuar me të. Krijimi i rrjeteve është pjesë e punës sime. Pse të mos e pranoja unë, një djalë nga Sllovakia? Ishte një kontakt i vlefshëm”, tha ai.

Të fundit