Flash News

Lëndë piroteknike pranë Universitetit Politeknik, policia sekuestron materialet dhe nis hetimet

Të shtëna në Allias, 31-vjeçari qëllohet nga komshiu, autori zhduket pas ngjarjes

Posta e mëngjesit/ Me 2 rreshta: Çfarë pati rëndësi dje në Shqipëri

HIV në rritje në Kosovë, shënohen 10 raste të reja në pesë muaj

AMP kontrolle në doganën e Kapshticës, gjendet d*ogë e fshehur në një automjet

Bota

Përplasja Trump-Musk rrezikon të fundosë NASA-n, shkurtimet më të mëdha në historinë e saj

Politiko 8 Qershor 2025, 09:41

Përplasja Trump-Musk rrezikon të fundosë NASA-n, shkurtimet

Një përplasje politike mes Presidentit Donald Trump dhe miliarderit Elon Musk po ndikon rëndë në të ardhmen e NASA-s. Një projektligj i madh për shpenzimet publike ka ndezur polemika të ashpra, ndërsa propozimet e Shtëpisë së Bardhë për shkurtimin e buxhetit të NASA-s janë cilësuar si “kriza më e madhe” në historinë e programit hapësinor amerikan.

Agjencia hapësinore ka paraqitur një kërkesë zyrtare për buxhet në Kongres, ku propozohet një ulje drastike me afro 25% të fondeve, duke përfshirë shkurtimin me gati gjysmën të projekteve shkencore. Mbi 40 misione planetare, shumë prej të cilave janë tashmë aktive në hapësirë, rrezikojnë të mbyllen për shkak të kostove operative, pavarësisht se fazat më të kushtueshme të zhvillimit tashmë janë përfunduar.

Ndërkohë, Presidenti Trump ka kërcënuar me tërheqjen e kontratave federale me SpaceX, kompania e Elon Musk, e cila aktualisht është partneri kryesor i NASA-s për furnizimin e Stacionit Ndërkombëtar Hapësinor dhe projektet për kthimin e njeriut në Hënë dhe dërgimin në Mars. SpaceX, me raketat Falcon 9 dhe Starship, ka ofruar alternativa më të lira ndaj sistemit të shtrenjtë të NASA-s, SLS, i cili kushton mbi 4 miliardë dollarë për çdo lëshim, krahasuar me vetëm 100 milionë dollarë për raketat e Musk.

Analistët paralajmërojnë se miratimi i këtij buxheti do të ndryshojë rrënjësisht fokusin e NASA-s, duke ndalur kërkimet shkencore dhe duke u përqendruar vetëm te eksplorimi i Hënës dhe Marsit. E vetmja zonë që përfiton një rritje është programi për dërgimin e astronautëve në Mars, me një shtesë prej 100 milionë dollarësh.

Të fundit