Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Pfizer i kërkon FDA-së të autorizojë vaksinimin e fëmijëve nën 5-vjeç

Politiko 2 Shkurt 2022, 08:50

Pfizer i kërkon FDA-së të autorizojë vaksinimin e

Pfizer kërkoi dje nga SHBA që të autorizojë doza të ulëta të vaksinës së saj kundër COVID-19 për fëmijët nën 5-vjeç, duke nisur nga muaji mars.

Në një veprim të jashtëzakonshëm, Administrata e Ushqimit dhe Barnave i kishte kërkuar Pfizer dhe partnerit të saj BioNTech që ta aplikonin më herët nga sa kishin planifikuar kompanitë.

19 milionë fëmijë nën 5-vjeç në SHBA janë të vetmit që deri më tani nuk kanë qenë pjesë e kategorive që mund të vaksinoheshin. Shumë prindër kanë kërkuar për zgjerimin e injektimeve te fëmijët e vegjël dhe parashkollorët, veçanërisht pasi varianti omicron solli një numër rekord të rinjsh në spital.

Pfizer synon t'u japë fëmijëve deri në 6 muaj një të dhjetën e dozës së dhënë për të rriturit. Kompania tha se kishte filluar të dorëzonte të dhënat e saj në FDA dhe pret të përfundojë procesin brenda disa ditësh.

Dy nga dozat ekstra të ulëta rezultuan të ishin mjaft të forta për foshnjat, por jo për parashkollorët. Pfizer tani po teston një dozë të tretë, të dhëna që priten në fund të marsit. Kjo do të thotë që FDA mund të marrë në konsideratë nëse do të autorizojë dy doza për momentin.

CEO i Pfizer, Albert Bourla, tha në një deklaratë se shkencëtarët e kompanisë besojnë se kësaj grupmoshe përfundimisht do t'i nevojiten tre nga vaksinat me dozë të ulët, por se veprimi i FDA tani mund t'i lejojë prindërit të fillojnë procesin e vaksinimit ndërsa presin një vendim përfundimtar.

FDA tha se do të mbledhë një panel studiuesish dhe mjekësh të pavarur në mes të shkurtit për të ndihmuar në shqyrtimin e të dhënave të Pfizer. Agjencisë nuk i kërkohet të ndjekë këshillat e tyre, por kontributi është një hap kyç në verifikimin publik të sigurisë dhe efektivitetit të vaksinës.

Vendimi përfundimtar i FDA mund të vijë brenda muajit, por kjo nuk është pengesa e vetme. Qendrat për Kontrollin dhe Parandalimin e Sëmundjeve gjithashtu duhet të nënshkruajnë.

Burimi: AP

Të fundit