Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Po inspektonte provincat e përmbytura, rrëzohet helikopteri në Itali

Politiko 20 Maj 2023, 17:34

Po inspektonte provincat e përmbytura, rrëzohet helikopteri në

Një helikopter është rrëzuar teksa inspektonte linjat e energjisë elektrike të dëmtuara nga stuhitë në provincën italiane të Ravenës. Provinca është goditur nga stuhi të forta dhe përmbytje.

Të katër personat në bord u dërguan në spital, por vetëm njëri prej tyre u plagos, tha shërbimi italian i zjarrfikësve të shtunën.

Ekuipazhi kishte inspektuar linjat e energjisë elektrike të dëmtuara nga stuhitë në komunën e Lugos kur helikopteri u rrëzua, njoftuan agjencitë e lajmeve ANSA dhe Adnkronos.

Provinca e Ravenës është një nga nëntë provincat në rajonin e Emilia-Romagna në verilindje të Italisë, e cila po përgatitet për më shumë shi pas përmbytjeve të rënda në fillim të kësaj jave.

Situata u përkeqësua të premten, veçanërisht rreth qytetit të Ravenës - kryeqyteti i një province me të njëjtin emër brenda Emilia-Romagna - ku lumenjtë dolën përsëri nga brigjet e tyre dhe rrëshqitjet e dheut aktualisht po rezultojnë të jenë një rrezik i madh.

Në disa pjesë të rajonit në bregdetin e Adriatikut, niveli më i lartë i alarmit është ende në fuqi, tha Departamenti i Mbrojtjes Civile i Italisë (Proetzione Civile) që merret me parashikimin, parandalimin dhe menaxhimin e ngjarjeve emergjente.

Vërshimet dhe rrëshqitjet e dheut vazhdojnë të pllakosin zonat e prekura. Në disa vende uji po zvogëlohet ngadalë. Qindra punonjës shpëtimi dhe vullnetarë po punojnë tani për të pastruar rrugët nga balta.

Kryeministrja e Italisë, Giorgia Meloni, do të largohet nga samiti i Grupit të Shtatë (G7) në Hiroshima një ditë më herët se sa ishte planifikuar për të udhëhequr reagimin ndaj përmbytjeve që goditën veriun e vendit të saj këtë javë.

Të fundit