Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Posta e mëngjesit/ Me 2 rreshta: Çfarë pati rëndësi dje në botë

Politiko 11 Janar 2021, 07:17
Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Zhytësit kanë gjetur copat e avionit dhe mbetjet njerëzore nga Fluturimi 182, i cili u rrëzua në oqean pranë Indonezisë të shtunën me 62 persona në bord. Shkaku i rrëzimit nuk dihet ende.

■ Apple, Google dhe Amazon kanë hequr nga platformat e tyre Parler, një aplikacion i mediave sociale popullor ndër mbështetësit e Trump, duke thënë që kompania nuk arriti të moderonte postimet që inkurajonin dhunën dhe krimin.

■ Senatori Pat Toomey i Pensilvanisë u bë senatori i dytë republikan që bëri thirrje që Trump të jepte dorëheqjen. Por Toomey vuri në dyshim nëse Senati mund ta dënonte atë pasi ai të largohej nga detyra.

■ Dhjetëra njerëz u arrestuan dhe u akuzuan pas trazirës në Capitol javën e kaluar.

■ Eksperti i sëmundjeve infektive Dr. Anthony Fauci tha se ai besonte se kinematë dhe vendet e tjera në Amerikë mund të rihapen "rreth vjeshtës së 2021", në varësi të suksesit të përhapjes së vaksinimeve.

■ Asnjë person nuk është zbuluar si i infektuar me koronavirus në asnjë nga tre universitetet kryesore të Singaporit, falë teknologjisë për zbatimin e distancës shoqërore, dënimeve të ashpra dhe studentëve të gatshëm të respektojnë rregullat.

■ Mjeku personal i Papa Françeskut, i cili ishte shtruar në spital për trajtim të kancerit, vdiq të shtunën si rezultat i koronavirusit.

■ Mbretëresha Elizabeth II dhe burri i saj, Princi Philip, morën vaksinat Covid-19 të shtunën.

■ Ndërsa Britania përshtatet me jetën e saj të re jashtë Bashkimit Europian, bizneset po luftojnë me vonesa, anulime të shërbimeve dhe grumbuj dokumentesh.

■ Një politikan populist dhe një i dënuar për rrëmbim shënoi një fitore të madhe të dielën në zgjedhjet e parakohshme presidenciale në Kirgistan shkaktuar nga një kryengritje popullore kundër qeverisë së mëparshme.

Të fundit