Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Posta e mëngjesit/ Me 2 rreshta: Çfarë pati rëndësi dje në botë

Politiko 31 Maj 2021, 07:13
Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Japonia ka zgjatur një gjendje të jashtëzakonshme në Tokio dhe tetë prefektura të tjera deri të paktën 20 qershor, një muaj para se të fillojnë Lojrat Olimpike.

■ Nepali po konsideron shpalljen e një emergjence shëndetësore teksa virusi atje po bëhet praktikisht i pakontrollueshëm.

■ Me vëmendje të re mbi origjinën e koronavirusit, zyrtarët amerikanë i bënë thirrje Kinës që të sigurojë transparencë më të madhe dhe hetime të shpejta nëse pandemia shkatërruese filloi me një rrjedhje nga një laborator.

■ Kryeministri Boris Johnson i Britanisë dhe Carrie Symonds u martuan në një ceremoni të fshehtë në Katedralen Ëestminster në Londër të shtunën.

■ Irani do të gjykojë një shtetas francez të ndaluar me akuza përfshirë atë të spiunazhit, një krim që mund të mbartë dënimin me vdekje.

■ Një 6-vjeçar i kequshqyer dhe shpesh i lidhur me zinxhirë, i cili jetonte në një kamp për sirianët e zhvendosur u mbyt ndërsa po hante. Rasti ka tërhequr vëmendje të rrallë ndaj vuajtjeve të miliona fëmijëve që jetojnë në kampe në veri të Sirisë.

■ Chelsea fitoi Ligën e Kampionëve, duke mundur Manchester City, 1-0.

■ Një komunitet autokton në Kanada tha se kishte prova se 215 fëmijë u varrosën në një varr masiv në tokën e një shkolle ku u asimiluan me forcë.

■ Thatësira më e keqe e Tajvanit në më shumë se gjysmë shekulli është thelluar në javët e fundit, duke tharë rezervuarët kryesorë dhe duke kontribuar në dy ndërprerje të mëdha të energjisë elektrike.

■ James Matthew Bryant, një i arratisur nga burgjet e Zelandës së Re, kërkoi një helikopter për t'u dorëzuar pas disa javësh në arrati, duke përfshirë tetë ditë të kaluara duke bërë yoga në një kasolle në mes të pyllit.

Të fundit