Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Protesta kundër masave anti-Covid në Europë, mijëra austriakë dalin në rrugë

Politiko 20 Nëntor 2021, 15:37

Protesta kundër masave anti-Covid në Europë, mijëra

Mijëra protestues u mblodhën në Vjenë ditën e sotme, pasi qeveria austriake njoftoi një bllokim mbarëkombëtar për të frenuar infeksionet e koronavirusit.

Opozita e ekstremit të djathtë, Partia e Lirisë, ishte mes atyre që kanë bërë thirrje për protestë dhe janë zotuar të luftojnë kufizimet e reja, shkruajnë mediat e huaja.

Demonstrata kundër masave të virusit priten edhe në vende të tjera evropiane, përfshirë Zvicrën, Kroacinë dhe Italinë.

Të premten mbrëma, policia holandeze hapi zjarr ndaj protestuesve dhe shtatë persona u plagosën në trazirat që shpërthyen në qendër të Roterdamit.

Bllokimi austriak do të fillojë herët të hënën dhe fillimisht do të zgjasë për 10 ditë dhe më pas do të rivlerësohet. Pritet të zgjasë maksimumi 20 ditë. Shumica e dyqaneve do të mbyllen dhe ngjarjet kulturore do të anulohen.

Njerëzit do të jenë në gjendje të largohen nga shtëpitë e tyre vetëm për disa arsye specifike, duke përfshirë blerjen e ushqimeve ose vizitat mjekësore.

Qeveria austriake tha gjithashtu se duke filluar nga 1 shkurti, vendi do t'i bëjë të detyrueshme vaksinimet. Ndërsa marshimi filloi në Heldenplatz të Vjenës, mijëra protestues u mblodhën në sheshin masiv.

Rreth 1300 policë ishin angazhuar në terren. Ata përdorën altoparlantë për t'u thënë protestuesve që kërkoheshin maska, por shumica nuk i mbanin ato.

Duke brohoritur "rezistencë!" dhe duke i rënë bilbilave, protestuesit filluan të lëvizin ngadalë nëpër unazën e brendshme të qytetit. Shumë valëvitën flamuj austriak dhe mbanin tabela që tallnin liderët e qeverisë si kancelari Alexander Schallenberg dhe ministri i Shëndetësisë Wolfgang Mueckstein.

Vaksinimet në Austri kanë rënë në një nga nivelet më të ulëta në Evropën Perëndimore dhe spitalet në shtetet e goditura rëndë kanë paralajmëruar se njësitë e tyre të kujdesit intensiv po arrijnë kapacitetin. Vdekjet mesatare ditore janë trefishuar në javët e fundit.

Kancelari austriak Schallenberg u kërkoi falje të gjithë njerëzve të vaksinuar të premten mbrëma duke thënë se nuk ishte e drejtë që ata të vuanin nën kufizimet e rinovuara të bllokimit kur kishin bërë gjithçka për të ndihmuar në frenimin e virusit. “Më vjen keq që marr këtë hap drastik”, tha ai.

Të fundit