Flash News

Shkaktoi aksidentin e dyfishtë në Vlorë, arrestohet ish-drejtori i Doganës së Fierit

Arben Ahmetaj merret zyrtarisht i pandehur nga SPAK, nën akuzë për 3 vepra penale

Rama niset drejt Britanisë së Madhe, takim me Rishi Sunak; fokusi tek emigracioni dhe krimi

Mjeti përplaset me trafikndarësen në aksin Fushë Krujë-Thumanë, humb jetën pasagjeri

Posta e mëngjesit/ Me 2 rreshta: Çfarë pati rëndësi dje në Shqipëri

Bota

Protestat për moshën e daljes në pension ‘paralizojnë’ shkollat ​​dhe transportin publik në Francë

Politiko 31 Janar 2023, 13:20

Protestat për moshën e daljes në pension

Një grevë mbarëkombëtare është duke u zhvilluar në Francë mes një vale të dytë protestash kundër planeve të presidentit Emmanuel Macron për të rritur moshën e pensionit nga 62 në 64 vjeç.

Tetë sindikata të mëdha po marrin pjesë në grevë, e cila po dëmton procesin mësimor, transportin publik dhe rafineritë e naftës.

Sindikatat thanë se gjysma e mësuesve të vendit i ishin bashkuar grevës. Ministria e Arsimit tha se numri ishte pak më shumë se një e katërta.

Qeveria Macron po ecën përpara me reformat e moshës së pensionit përballë sondazheve të opinionit që sugjerojnë se dy të tretat e votuesve janë kundër ndryshimeve, të cilat fillojnë kalimin e tyre në Asamblenë Kombëtare javën e ardhshme.

Pa një shumicë në parlament, qeveria do të duhet të mbështetet tek republikanët e krahut të djathtë për mbështetje po aq sa edhe deputetët e partive në pushtet.

Përpara protestës kryesore në Paris, mijëra marshues dolën në Toulouse, Marseille dhe Nice në jug dhe Saint Nazaire, Nantes dhe Rennes në perëndim.

Protestat në rrugë priten në të paktën 200 qytete dhe rreth 11,000 policë u vendosën për të mbuluar demonstratat.

Pati një ndërprerje të rëndë në transport. Ndrëkohë sindikata CGT tha se të paktën tre të katërtat e punëtorëve ishin larguar nga rafineritë e mëdha të naftës TotalEnergies dhe depot e karburantit, megjithëse kompania tha se numri ishte shumë më i ulët.

Termocentralet raportuan ulje të prodhimit pasi punëtorët hynë në grevë në kompaninë kryesore të energjisë elektrike EDF. Një nga sindikatat kryesore të mësuesve tha se rreth 55% e mësuesve të shkollave të mesme ishin larguar.

Burimi: BBC

 

Të fundit