Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Putin emëron një gjeneral të ri për të drejtuar luftën, autokolona me tanke ruse prej 8 miljesh e gjatë niset drejt Ukrainës

Politiko 10 Prill 2022, 08:44

Putin emëron një gjeneral të ri për të drejtuar

Imazhet satelitore tregojnë një autokolonë ushtarake tetë milje të gjatë që është drejtuar për në qytetin lindor të Ukrainës, Velkyi Burluk. Qyteti ndodhet në lindje të Kharkiv, afër kufirit të Ukrainës me Rusinë.

Imazhet tregojnë "automjete të blinduara, kamionë me artileri të tërhequr dhe pajisje mbështetëse", tha Maxar.

Zyrtarët ukrainas thonë se luftime të mëdha janë duke u zhvilluar në lindje të vendit, me bombardime të rënda të raportuara në të gjithë rajonin e Donbasit, përpara asaj që ata paralajmërojnë se mund të jetë një ofensivë e madhe ruse.

Shefi i inteligjencës mbrojtëse të Ukrainës tha më herët se trupat ruse po rigrupohen përtej kufirit dhe planifikojnë të avancojnë drejt Kharkiv. Zyrtarët kanë kërkuar evakuimin e civilëve nga rajoni, pasi forcat ruse e zhvendosin fokusin në Ukrainën jugore dhe lindore.

Më herët gjatë pushtimit të Rusisë, një autokolonë ushtarake ruse 40 milje (64 kilometra), e përbërë nga tanke, automjete të blinduara dhe artileri tërheqëse, ngjalli tmerr në mesin e ukrainasve që mbronin ndërsa po shkonte drejt kryeqytetit të tyre Kiev në Ukrainën veriore. Por kolona ngeci pasi u përball me rezistencë të ashpër ukrainase dhe sfida në aksesin e furnizimeve, përpara se të shpërndahej pa arritur kurrë në qytet.

Rusia ka emëruar një gjeneral të ri për të drejtuar luftën e saj në Ukrainë, Alexander Dvornikov. Sipas një zyrtari amerikan dhe një zyrtari evropian, Dvornikov, komandanti i parë i operacioneve ushtarake të Rusisë në Siri, mund të sjellë një nivel të ri koordinimi ndaj një sulmi që tani pritet të fokusohet në rajonin e Donbasit, në vend të fronteve të shumta.

Burimi: CNN

 

 

Të fundit