Flash News

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

Pas ultimatumit të Ramës, japin dorëheqjen të gjithë drejtorët e bashkisë së Vlorës

Posta e mëngjesit/ Me 2 rreshta: Çfarë pati rëndësi dje në Shqipëri

Bota

Putin falenderon Korenë e Veriut për dërgimin e trupave në Kursk: Mbrojtën atdheun tonë si të ishte i tyre

Politiko 28 Prill 2025, 10:16

Putin falenderon Korenë e Veriut për dërgimin e trupave në

Presidenti rus, Vladimir Putin, ka falënderuar trupat e Koresë së Veriut për luftën kundër forcave ukrainase në rajonin Kurks të Rusisë, pasi më 28 prill Koreja e Veriut konfirmoi për herë të parë se ka dislokuar trupa në Rusi. Në deklaratën e publikuar të hënën nga Kremlini, Putin vlerësoi heroizmin dhe përkushtimin e luftëtarëve koreanoveriorë, të cilët, sipas tij, “krah për krah me luftëtarët rusë mbrojtën atdheun tonë si të ishte i tyre”.

Rusia më 26 prill tha se trupat e saj kanë rimarrë plotësisht rajonin e Kurksut, që forcat ukrainase morën nën kontroll gjatë një operacioni të befasishëm vitin e kaluar. Zyrtarët ukrainas kanë mohuar këtë pretendim. Zyrtarët e inteligjencës të Shteteve të Bashkuara, Koresë së Jugut dhe Ukrainës kanë thënë se Koreja e Veriut dislokoi në Rusi vitin e kaluar 10.000-12.000 trupa, që përbën pjesëmarrjen e parë të madhe të trupave të Phenianit në një konflikt të armatosur që nga përfundimi i Luftës Koreane që u zhvillua në vitet 1950-1953. Por, Koreja e Veriut nuk kishte konfirmuar e as mohuar raportimet për dislokimin e trupave në Rusi deri këtë të hënë.

Lideri i Koresë së Veriut, Kim Jong Un, vendosi të dërgonte trupa në Rusi në bazë të traktatit të mbrojtjes së përbashkët që nënshkroi me Putinin qershorin e vitit 2024, tha përmes një deklarate Komisioni Qendror Ushtarak i Koresë së Veriut. Ky traktat – që konsiderohet se është marrëveshja më e madhe e mbrojtjes mes dy vendeve që nga përfundimi i Luftës së Ftohtë – kërkon që të dyja shtetet të përdorin të gjitha mjetet që kanë në dispozicion për të ofruar ndihmë të menjëhershme ushtarake nëse njëri prej tyre sulmohet.

Në deklaratë u citua Kim të ketë thënë se dislokimi kishte për qëllim “shfarosjen dhe çrrënjosjen e pushtuesve neonazistë ukrainas dhe çlirimin e rajonit të Kurskut, në bashkëpunim me forcat e armatosura ruse”.

“Ata që luftuan për drejtësinë janë të gjithë heronj dhe përfaqësues të nderit të atdheut”, tha Kim.

Në deklaratën e Koresë së Veriut nuk u tha se sa trupa janë dërguar se sa prej tyre kanë vdekur. Por, në mars, Koreja e Jugut tha se afër 4.000 ushtarë të Veriut ishin vrarë apo plagosur në luftën mes Rusisë dhe Ukrainës. Atëbotë, Seuli vlerësoi po ashtu se Pheniani kishte dërguar 3.000 trupa shtesë në Rusi më herët gjatë këtij viti.

Ushtarët e Koresë së Veriut janë të disiplinuar dhe të trajnuar mirë, por vëzhguesit kanë thënë se ata janë cak i lehtë për dronët dhe sulmet me artileri në fushëbetejat në luftën Rusi-Ukrainë, pasi nuk kanë përvojë luftarake dhe nuk e njohin terrenin. Megjithatë, zyrtarët ushtarakë dhe të inteligjencës të Ukrainës kanë vlerësuar se ushtarët e Phenianit kanë fituar përvojë të rëndësishme në fushëbetejë dhe kanë qenë kyç në strategjinë e Rusisë kundër Ukrainës, për të vendosur sa më shumë trupa në betejën për Kurskun./ REL