Putin: Planet e SHBA-së për Grenlandën nuk janë “biseda ekstravagante”

Presidneti rus, Vladimir Putin ka bërë komente intriguese në lidhje me deklaratat e përsëritura të Donald Trump rreth marrjes së Grenlandës nga SHBA.

Presidenti rus thotë se këto ambicie nuk ishin befasi dhe duhen marrë seriozisht.

"Do të ishte një gabim i rëndë të mendosh se ky është vetëm një bisedë ekstravagande e administratës së re amerikane, asgjë e tillë," tha ai, shkruan Skynews. 

Ai thotë se plane të ngjashme u ngritën për herë të parë nga Uashingtoni në vitet 1860, por se një propozim për të aneksuar Grenlandën dhe Islandën u refuzua nga Kongresi.

“Këto plane kanë rrënjë të thella historike dhe është e qartë se SHBA do të vazhdojë të promovojë interesat e tyre gjeopolitike, ushtarake dhe ekonomike në Arktik.

“Sa i përket Grenlandës, mendoj se kjo është një çështje që ka të bëjë me dy shtete dhe nuk ka të bëjë me ne.

"Megjithatë, ne jemi të shqetësuar nga fakti që vendet e NATO-s e identifikojnë gjithnjë e më shumë veriun e largët si një pikëmbështetje për konflikte të mundshme."

Putin thotë se Rusia do të mbrojë interesat e saj në Arktik ndërsa rivalitetet gjeopolitike intensifikohen në rajon.

Pasi ka pohuar se vendet anëtare të NATO-s kanë kërkuar nga veriu i largët si një "bazë për konflikte të mundshme", Putin thotë se vendet anëtare të NATO-s kanë kryer një numër në rritje të stërvitjeve ushtarake në Arktik.

Ai thotë se Rusia "kurrë nuk ka kërcënuar askënd në Arktik", por "ne po i shikojmë nga afër zhvillimet e fundit".

Duke thënë se "numri i ushtarakëve në Arktik do të rritet", ai shton: "Ne po zhvillojmë aftësitë tona të reagimit duke përmirësuar infrastrukturën tonë ushtarake.

"Ne nuk do të lejojmë cenimin e sovranitetit të vendit tonë, ne do të mbrojmë interesat tona kombëtare."

Megjithatë, ai vazhdon duke folur për potencialin e bashkëpunimit me "shtetet mike...mundësisht duke përfshirë vendet perëndimore" në rajonin e Arktikut.

“Kam besim se koha për projekte të tilla do të vijë patjetër”, tha ai.