Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Putini njohu dy rajonet e kontrolluara nga rebelët, mblidhet në mënyrë urgjente Këshilli i Sigurimit në OKB

Politiko 22 Shkurt 2022, 08:33

Putini njohu dy rajonet e kontrolluara nga rebelët, mblidhet në

Fuqitë perëndimore reaguan me shpejtësi ndaj vendimit të presidentit rus Vladimir Putin për të njohur pavarësinë e dy republikave të vetëshpallura në Ukrainën lindore, duke dënuar Moskën dhe bërë thirrje për sanksione.

Moska tha sot se ende gati për bisedime me Sekretarin e Shtetit të SHBA, Antony Blinken.

"Edhe në momentet më të vështira... ne themi: Jemi gati për negociata," tha zëdhënësja e ministrisë së jashtme Maria Zakharova, raportojnë mediat e huaja.

Shtetet e Bashkuara po koordinohen me aleatët dhe do të shpallin sanksione të reja kundër Rusisë pasi Moska njohu dy rajone separatiste të Ukrainës si të pavarura dhe dërgoi forca "paqeruajtëse" atje, thanë zyrtarët amerikanë të hënën.

"Nesër, Shtetet e Bashkuara do të vendosin sanksione ndaj Rusisë për këtë shkelje të qartë të së drejtës ndërkombëtare dhe sovranitetit dhe integritetit territorial të Ukrainës," u tha gazetarëve ambasadorja e SHBA në Kombet e Bashkuara, Linda Thomas-Greenfield pas një takimi të Këshillit të Sigurimit të OKB-së të hënën në mbrëmje.

"Ne mund, do dhe duhet të qëndrojmë të bashkuar në thirrjet tona që Rusia të tërheqë forcat e saj, të kthehet në tryezën diplomatike dhe të punojë drejt paqes."

Franca dhe Gjermania gjithashtu ranë dakord të përgjigjen me sanksione, dhe Britania dhe Shtetet e Bashkuara thanë se do të njoftonin masa të mëtejshme të martën.

Shtetet e Bashkuara dhe aleatët e saj sulmuan Rusinë gjatë një sesioni urgjent të Këshillit të Sigurimit të hënën, duke denoncuar njohjen nga Vladimir Putin të zonave të kontrolluara nga rebelët në Ukrainë dhe vendosjen e trupave si një shkelje e rëndë e ligjit ndërkombëtar dhe "pretekst për luftë".

 

Të fundit