Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Bota

Qielli nuk u ndriçua vetëm nga fishekzjarrët/ Hamasi i lëshoi raketa, Izraeli i kundërpërgjigjet

Politiko 2 Janar 2022, 14:08

Qielli nuk u ndriçua vetëm nga fishekzjarrët/ Hamasi i

Ushtria izraelite tha se nisi sulme ajrore mbi pozicionet e Hamasit në Rripin e Gazës, një ditë pasi raketat e lëshuara nga Gaza ranë në detin Mesdhe.

Ushtria izraelite tha se sulmet e mbrëmjes së të shtunës goditën një objekt të prodhimit të raketave dhe një pozicion ushtarak për Hamasin.

“Ndërsa fishekzjarrët ndriçuan qiejt për të festuar Vitin e Ri 2022 në mbarë botën, një lloj tjetër zjarri erdhi nga raketat e terroristëve të Gazës në drejtim të Izraelit. Si përgjigje, ne sapo goditëm objektet e Hamasit në Gaza, përfshirë një vend për prodhimin e raketave të përdorura për aktivitet terroriste”, tha ushtria izraelite.

Nuk ishte e qartë nëse raketat nga Gaza të shtunën kishin për qëllim të goditnin Izraelin, por grupet me bazë në Gaza shpesh testojnë raketa drejt detit.

Hazem Qassem, një zëdhënës i Hamasit, tha për Al Jazeera se disa nga zonat e shënjestruara nga sulmet izraelite përfshijnë toka bujqësore.

Përveç një incidenti të vetëm në shtator, nuk ka pasur asnjë sulm me raketa ndërkufitare që kur një armëpushim i dha fund një lufte 11-ditore midis Izraelit dhe Hamasit në maj.

Armëpushimi, i ndërmjetësuar nga Egjipti dhe të tjerë ka qenë i brishtë. Hamasi thotë se Izraeli nuk ndërmori hapa seriozë për të lehtësuar bllokadën që vendosi në Gaza me ndihmën e Egjiptit kur grupi mori kontrollin e enklavës bregdetare në vitin 2007.

Më shumë se 260 palestinezë, shumë prej tyre civilë dhe fëmijë, dhe 13 izraelitë u vranë në sulmin e majit në Gaza, gjatë të cilit Izraeli kreu sulme të pamëshirshme ajrore në të gjithë enklavën bregdetare, duke bërë që luftëtarët e Gazës të lëshonin raketa drejt qyteteve izraelite.

Të fundit