Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Raporti: Demokracia e BE-së nën sulmin e “spiunazheve kibernetike”

Politiko 9 Nëntor 2022, 09:48

Raporti: Demokracia e BE-së nën sulmin e “spiunazheve

Demokracia e BE-së është nën sulm nga përdorimi në rritje i “mercenarëve kibernetikë” që shkelin të drejtat e privatësisë, heshtin opozitën dhe shtypin e lirë si dhe mbrojnë qeveritë nga kritikat e opinionit publik, thuhet në një raport të ri nga një komitet i Parlamentit Evropian.

Pasi një program i tillë të instalohet në një pajisje, i lejon palët e treta të kryejnë mbikëqyrje në kohë reale, të gjejë fjalëkalime dhe dosje sensitive, të gjurmojë vendndodhjet dhe të vendosin edhe informacione dashakeqëse.

Zakonisht një program i tillë instalohet përmes një aplikacioni ose websajti dhe lë shumë pak gjurmë për zbulimin e tij.

Si Pegasus, i zhvilluar nga kompania me bazë në Izrael NSO Group, edhe Predator, një version më pak i sofistikuar, është ndër më të njohurit në të gjithë Evropën.

Raporti, i paraqitur si një draft version të martën, akuzon vendet e BE-së për praktikimin e “omerta”, kodi i heshtjes, i lidhur fillimisht me mafien italiane, dhe mbulimin e njëri-tjetrit për të penguar hetimin.

“Skandali i atyre që njihen si spyëare, nuk është një seri rastesh të izoluara abuzimi, por një çështje më e përhapur se kaq”, thuhet në raport.

Raporti përshkruan një pamje të zymtë të një kontinenti që është bërë një “vend tërheqës” për ata që kanë qëllime dashakeqëse, dhe mbetet “i pa pajisur” me mjete për të mbrojtur institucionet e tij demokratike nga kërcënimet e brendshme.

Dokumenti evidenton se ky program ëhstë përdorur në mënyrë të paligjshme kundër qytetarëve në Poloni, Hungari, Greqi dhe Spanjë.

Burimi: Euronews

 

Të fundit