Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Raporti: Një fushatë pro Kinës po diskrediton demokracinë e SHBA-së në internet

Politiko 27 Tetor 2022, 09:27

Raporti: Një fushatë pro Kinës po diskrediton demokracinë e

Një fushatë e ndikimit në internet pro Kinës po kërkon të diskreditojë demokracinë e Shteteve të Bashkuara dhe të dekurajojë qytetarët që të votojnë në zgjedhjet e ardhshme afatmesme, sipas studiuesve të sigurisë kibernetike.

Fushata e ndikimit, e quajtur DRAGONBRIDGE, synon "të krijojë ndasi midis SHBA-së dhe aleatëve të saj, ashtu edhe brenda vetë sistemit politik të SHBA", duke përfshirë edhe hedhjen e dyshimeve mbi efektivitetin e votimit, tha firma amerikane e sigurisë kibernetike Mandiant në një raport të publikuar të mërkurën.

Ndër aktivitetet e tjera, grupi ka shpërndarë një video në gjuhën angleze që thotë se votimi nuk është "zgjidhja e sëmundjeve të Amerikës", ligjvënësit amerikanë nuk janë produktivë dhe procesi legjislativ nuk ka asnjë efekt kuptimplotë në jetën e amerikanëve, sipas raportit.

Operacioni i ndikimit, i cili përfshin përdorimin e llogarive të rreme të mediave sociale, si dhe artikuj lajmesh të plagjiaturës dhe të fabrikuara, ka portretizuar gjithashtu një grup hakerësh kinez si një aktor të mbështetur nga qeveria amerikane dhe pretendon se SHBA është përgjegjëse për shpërthimet e gazsjellësit Nord Stream tha firma e sigurisë kibernetike me bazë në Virxhinia.

“Për më tepër, DRAGONBRIDGE postoi përmbajtje duke pohuar se lufta politike, partia, polarizimi dhe ndarja ishin bërë aspekte themelore të demokracisë amerikane,” thuhej më tej në raport.

Megjithatë, Mandiant, i cili u ble nga Google në një marrëveshje prej 5.4 miliardë dollarësh muajin e kaluar, tha se efekti i fushatës ka qenë "i kufizuar", megjithëse vazhdon të shpenzojë "burime të rëndësishme për të ndjekur dhe mbajtur operacione të shumta njëkohësisht".

Burimi: AL Jazzera

Të fundit