Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Referendumi kthehet në “boomerang” për Melonin, italianët i thonë “JO” reformës në drejtësi

Politiko 23 Mars 2026, 16:47

Referendumi kthehet në “boomerang” për Melonin,

Kryeministrja italiane Giorgia Meloni rrezikon të humbasë referendumin për reformën në drejtësi, sipas rezultateve të para të publikuara të hënën.

Me mbi dy të tretat e votave të numëruara, rreth 54.26% e votuesve kanë dalë kundër reformave të propozuara, ndërsa 45.74% i kanë mbështetur ato.

Një humbje në këtë referendum pritet të dobësojë pozitat politike të Melonit, sidomos në prag të zgjedhjeve të përgjithshme që pritet të mbahen para fundit të vitit të ardhshëm.

E djathta italiane ka kërkuar prej kohësh ndryshime në sistemin gjyqësor, të cilin e konsideron të politizuar dhe të ndikuar nga e majta. Sipas tyre, reformat synojnë ta bëjnë sistemin më transparent dhe më të përgjegjshëm.

Nga ana tjetër, kundërshtarët paralajmërojnë se këto ndryshime mund të rrezikojnë pavarësinë e gjyqësorit, duke e cilësuar referendumin si një përpjekje për të vendosur sistemin e drejtësisë nën ndikimin e qeverisë.

Votuesve iu kërkua të shprehen për ndryshime në mënyrën e organizimit dhe disiplinimit të gjyqtarëve dhe prokurorëve, përfshirë ndarjen e karrierës së tyre dhe riformatimin e organeve mbikëqyrëse.

Debati mbi drejtësinë pasqyron tensionet e hershme në politikën italiane, që nga koha e operacionit Mani Pulite, i cili zbuloi një rrjet të gjerë korrupsioni dhe ndryshoi thellësisht raportet mes politikës dhe sistemit gjyqësor.

Të fundit