Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Refugjatët afganë, ministrat e BE-së do të diskutojnë për një strategji që shmang destabilizimin

Politiko 31 Gusht 2021, 15:47

Refugjatët afganë, ministrat e BE-së do të diskutojnë

Migrimi është përsëri në krye të agjendës së BE -së. Në takimin e ministrave të Brendshëm të bllokut pritet të diskutohet se si do të menaxhohet situata e refugjatëve afganë.

Ministrat nga 27 vendet anëtare, së bashku me përfaqësuesit e Komisionit Evropian, do të përpiqen të përcaktojnë një strategji kolektive, të unifikuar për të ndihmuar stabilizimin e rajonit dhe për të siguruar që kufijtë e BE -së të mos mbingarkohen nga ardhja e papritur e azilkërkuesve.

Sipas një draft deklarate, ministrat e brendshëm do të theksojnë nevojën për të rritur mbështetjen për vendet fqinje dhe tranzite, të tilla si Pakistani, të cilat janë gati të jenë destinacioni i menjëhershëm i atyre që kërkojnë të largohen nga Afganistani.

"Ne nuk duhet të presim derisa të kemi refugjatë afganë në kufijtë tanë të jashtëm. Ne duhet të ndërhyjmë shumë më herët. Dhe kjo, natyrisht, përfshin paratë", tha Ylva Johansson, Komisionere Evropiane për Punët e Brendshme, për Euronews javën e kaluar.

BE është e vendosur të shmangë përsëritjen e krizës migratore të vitit 2015 kur më shumë se 1 milion emigrantë mbërritën në kufijtë e jashtëm të bllokut. Në atë kohë, afganët ishin grupi i dytë më i madh i refugjatëve, pas sirianëve. Episodi polarizoi politikën e brendshme dhe ende jehon në të gjithë kontinentin.

Burimi: Euronews

Të fundit